ბიტკოინი — ყველაზე ცნობილი კრიპტოვალუტა — კვლავ ახალ რეკორდს ამყარებს. ხუთშაბათს მისმა ღირებულებამ 5100 ამერიკულ დოლარს გადააჭარბა და შეადგინა 5170 $.

მარტო ამ წლის განმავლობაში ბიტკოინი 750% – ით გაიზარდა. მაგრამ ანალიტიკოსების აზრით ზრდა შეიძლება ჩავარდნით შეიცვალოს: დიდი ქვეყნები მხოლოდ ახლა იწყებენ კრიპტოვალუტების რეგულირების პროცესს და აკრძალვის ან შეფერხების შემთხვევაში კურსი შეიძლება ჩავარდეს — როგორც მოხდა სექტემბერში, როცა ჩინეთმა ასეთი ზომების მიღების შესახებ განაცხადა. მაშინ ბიტკოინის კურსი 40% – ით დაეცა და 3000 დოლარზე ნაკლები იყო.