ქართველი ტყვე ქალისა და ირანელი თავადის სიყვარული - როგორ შეიქმნა თბილისელების საყვარელი ადგილი

natia.a

საზოგადოება

მეტი

22.11.2024
სტატია:138404
ვიდეო:351967
სურათი:512068

Array
(
    [get1] => სტატია
    [get2] => 89885-ქართველი-ტყვე-ქალისა-და-ირანელი-თავადის-სიყვარული-როგორ-შეიქმნა-თბილის
    [get3] => 133
    [addquery] => user:natia.a:show:channel:loop:true
)

ქალი და მამაკაცი

ქართველი ტყვე ქალისა და ირანელი თავადის სიყვარული - როგორ შეიქმნა თბილისელების საყვარელი ადგილი

2017, 12 ოქტომბერი, 18:11

მე-19 საუკუნის 20-30-იანი წლები...

სტამბულის ტყვეთა ბაზრობა...

ულამაზესი ქართველი გოგო, ნინო, გამტაცებლებს გასაყიდად ჰყავთ გამოყვანილი...

თბილისელი გოგონას სილამაზით მოხიბლული ახალგაზრდა ირანელი ქალს გამოისყიდის და ცოლად მოჰყავს.

ახალგაზრდა ირანელი დიდგვაროვანთა ოჯახის წარმომადგენელი და რელიგიური და პოლიტიკური მოღვაწე ფეთეხ-აღა სეიდ თეიზი იყო. კეთილი, განათლებული, ზრდილობიანი, მიმტევებელი ახალგაზრდა ადვილად შეიყვარა მეუღლემ და შესანიშნავი ოჯახი შექმნეს.

მაგრამ მალე თეიზი რუსეთი მთავრობის სამსახურში ჩადგა, რის გამოც ირანის შაჰმა სამშობლოდან გამოაძევა. თეიზი და მისი მეუღლე საქართველოში ჩამოვიდნენ და 1828 წელს თბილისში დასახლდნენ. ცოლის სამშობლოში იგი თბილად მიიღეს, ახალი სახლი და მკვრის მარჯვენა სანაპიროზე 5 ჰექტარი მიწის ნაკვეთიც გადასცეს.

როცა სამშობლოში ბრუნდებოდა, ნინოს იმედი ჰქონდა დიდი ხნის მონატრებულ მშობლებს ნახავდა, მაგრამ თბილისში ჩამოსულს დედ-მამა გარდაცვლილი დახვდა. ნინო დარდისგან ავად გახდა და ლოგინად ჩავარდა სამწუხაროდ ექიმებმა ვეღარ უშველეს და ახალგაზრდა ქალბატონი ექვს თვეში გარდაიცვალა.

თეიზმა საყვარელი მეუღლე სახლის წინ დაკრძალა და საფლავზე წითელი ვარდები დარგო. იგი საათობით იჯდა ყვავილებთან და დაკარგულ სიყვარულს გლოვობდა.

ნინოს სიკვდილით გამოწვეულ დარდს ირანელი ემიგრანტი ვარდებზე ზრუნვით იქარვებდა. მალე ვარდებს სხვა მცენარეები - ყვავილები, ბუჩქები, ხეები შეემატა. მცენარეების სარწყავად მტკვდრიდან 12 კილომეტრის სიგრძის არხიც გაიყვანა. ასე დაიწყო თბილისში იმ დროს ერთ-ერთი ყველაზე ლამაზი ბაღის გაშენება. წამდენიმე წელიწადში ბაღში ათეულ ათასობით ჯიშის უნიკალური მცენარე გაშენდა.

1845 წელს შაჰმა თეიზი შეიწყალა. ქართველთა სიძე სამშობლოში დაბრუნდა, თავისი წალკოტი კი თბილისელ ვაჭარს მიჰყიდა.

დროთა განმავლობაში ბაღი გაიზარდა და თბილისელების საყვარელ სასეირნო და გასართობ ადგილად იქცა. 1887 წელს კი სახელმწიფოს განკარგულებაში გადავიდა.

ბაღი დღესაც ინარჩუნებს თბილისელების საყვარელი ადგილის წოდებას, თუმცა მისი ყველაზე ხშირი სტუმრები ახლა ბავშვები არიან...

დაგვავიწყდა გვეთქვა, რომ აღა სეიდ თავრიზი შიიტების რელიგიური ლიდერი – მუჯთაჰიდი იყო. სწორედ მისი ამ წოდებიდან მომდინარეობს ბაღის სახელწოდება - მუშტაიდი.