1954 წლის 30 ნოემბრის საღამოს მეტეორიტი ჩამოვარდა ამერიკის შეერთებული შტატების შტატ ალაბამას, ტალადიგას ოლქში ქალაქ სულაკოგასთან ახლოს. ციური სხეულის ნატეხმა ჩაამტვრია სახლის სახურავი, ჭერი და ენნ ელიზაბეტ ჰოჯესს მოხვდა და მენჯი დაუზიანა. ეს შემთხვევა ჯერჯერობით ერთადერთი ოფიციალურად დადასტურებული შემთხვევაა მსოფლიოში, როცა არამიწიერი სხეულის ნამსხვრევი მოხვდა ადამიანს.
ამ სურათში დაზარალებულის მეუღლეს ხელში უკავია მეტეორიტის ნამსხვრევი, რომელმაც დაჭრა ენნი.
შემთხვევის ადგილზე მისულმა პოლიციამ სასწრაფო დახმარების მანქანა გამოიძახა, დაზარალებული ჰოსპიტალიზირებულ იქნა, ხოლო ციური სხეულის ნამსხვრევი კი კონფისკაციას დაექვემდებარა მეცნიერების მიერ მისი შემდგომი შესწავლის მიზნით.
ბოლო სურათზე კი ჰოსპიტალიდან გამოწერის მერე, დაზარალებულის მიერ მომხდარზე ჩვენების მიცემის პროცესია აღბეჭდილი.