მსახიობ კირა ანდრონიკაშვილს ერთხმად აღიარებენ ჩვენი დროის ერთ-ერთ ყველაზე ლამაზ ქალად. პირველად ფილმში 12 წლის ასაკში გადაიღეს, მისთვის კინო და კინოსტუდიაში სტუმრობა ბავშვობიდან უცხო არ იყო, რადგან მისი მამიდა ნატო ვაჩნაძე - ქართველი მსახიობი, 20-30-იანი წლების საბჭოთა ეკრანის მეგავარსკვლავი, მეორე მამიდა კი კირა ანდრონიკაშვილი (ვის სახელსაც ატარებს) - კინომსახიობი და დუბლიაჟის რეჟისორი გახლდათ.

პირველად კინო სინჯზე 8 წლის ასაკში მოხვდა, როდესაც რეჟისორმა თენგიზ აბულაძემ "მაგდანას ლურჯაში" ბავშვის როლზე მიიწვია, თუმცა იმის გამო დაიწუნეს რომ გლეხის გოგოს არ გავდა.

უკვე პირველი როლი 12 წლის ასაკში შესარულა ფილმში "მაიკოვსკი იწყებდა ასე" (1958)

ამის შემდეგ 20-ზე მეტ ფილმში გადაიღეს, რომელთა შორისაც გამორჩეულია: ნანა - ფილმიდან "ერთი ცის ქვეშ" ნოველა "მტრედები", ცირა - "მე, ბებია, ილიკო და ილარიონი", ძაბული - "მთვარის მოტაცება". მედეა - "მოლანდება" და ა.შ
კირა ანდრონიკაშვილი აღიარებულია ქართული კინოს ერთ-ერთ ყველაზე ლამაზ ქალად, ის დღესაც არაჩვეულებრივად გამოიყურება და თავისი სილამაზის საიდუმლოდ გენეტიკასთან ერთად ხასიათსა და განწყობას მიიჩნევს. სტატიის ავტორი: ზაურ მირიანაშვილი