იცოდით, რომ ინდაურის თავზე კანის ფერი განწყობილების მიხედვით იცვლება? გსმენიათ, რომ კოალებს დღე-ღამეში 22 საათი ძინავთ ან ის, რომ ტყის ბაყაყები ზამთრობით იყინებიან და გაზაფხულზე ისევ ცოცხლდებიან? - ბუნებაში კიდევ ბევრი საინტერესო და უცნაური რამ ხდება. სწორედ მათზე გვექნება დღეს საუბარი.

მაშ ასე, თქვენს წინაშეა 25 გასაოცარი ფაქტი ცხოველთა სამყაროს შესახებ.

1. თუ ლოკოკინას ამინდი არ მოსწონს, მას შეუძლია თავის ნიჟარაში შეძვრეს და იქ სამი წელი დაჰყოს

2. ბუებს ქუთუთოების სამი წყვილი აქვთ: ერთი დახამხამებისათვის, მეორე ძილისათვის და მესამე იმისათვის, რომ თვალები მუდამ სუფთად ჰქონდეთ

3. როდესაც ჯამბაზი-თევზების გუნდში კვდება დომინანტი დედა თევზი, ყველაზე დიდი მამალი თევზი დედლად გადაიქცევა ხოლმე, რათა ჯგუფს უწინამძღოლოს

4. კოალებს დღე-ღამეში 22 საათი ძინავთ

5. ნამგალა ჩიტები თავიანთი ცხოვრების უმეტეს ნაწილს ფრენაში ატარებენ და შეუძლიათ განუწყვეტლივ იფრინონ 10 თვე

6. კოლიბრი (ყველაზე პატარა ჩიტი დედამიწაზე) ფრთებით აკეთებს წამში 200-ზე მეტ მოძრაობას

7. როცა ტარანტული კიდურებს კარგავს, რამოდენიმე ხნის შემდეგ მას ახალი კიდურები ეზრდება

8. ტყის ბაყაყები ზამთრობით იყინებიან, ხოლო გაზაფხულზე ისევ უბრუნდებათ სიცოცხლე

9. მაჩვები თხრიან უზარმაზარ სოროს ერთბაშად რამოდენიმე ოჯახისათვის და მას უკეთებენ იმდენ შესასვლელს, რამდენი ოჯახისთვისაცაა გათვალისწინებული სორო

10. ზარმაცა ხიდან კვირაში მხოლოდ ერთხელ ჩამოდის, ისიც ნაწლავების დასაცლელად

11. ტარაკანებს შეუძლიათ უთავოდ იცხოვრონ რამოდენიმე დღის მანძილზე

12. რვაფეხები თავიანთი საცეცებით შეიგრძნობენ გემოსა და სუნს

13. გარდა იმისა, რომ კუები 150 წელზე მეტხანს ცოცხლობენ, ისინი ჯავშანზე შეხების მიმართ მგრძნობიარენი არიან

14. ჭიანჭველაჭამიას არ აქვს კბილები, თუმცა მას აქვს წებოვანი ენა, რომლის სიგრძე 60 სმ-ს აღწევს

15. ჟირაფებს იმდენად გრძელი ენა აქვთ, რომ შეუძლიათ ის თავიანთ ყურებამდე მიაწვდინონ

16. ნიანგებს შეუძლიათ უჭმელი გაძლონ სამი წელი

17. ყველა თქვენგანმა იცის, რომ ქამელეონი ფერს იცვლის; გარდა ამისა, ამ ცივსისხლიანის უცნაურობა გამოიხატება იმაში, რომ მას შეუძლია გაიხედოს ერთდრულად რამოდენიმე მიმართულებით

18. ინდაურის თავზე კანის ფერი შეიძლება იყოს თეთრი, ლურჯი ან წითელი ფრინველის განწყობის შესაბამისად

19. ღამურა-ერთადერთი ძუძუმწოვარია, რომელსაც ფრენა შეუძლია

20. ფლამინგო გასაგრილებლად საკუთარ ფეხებზე იშარდავს

21. ზვიგენებს გამუდმებით ეზრდებათ კბილები-სულ 30 000 მთელი ცხოვრების განმავლობაში

22. ფუტკრებს არასოდეს არ ძინავთ

23. კურდღლებს აქვთ 360-გრადუსიანი პანორამული ხედვა, რაც მათ საშუალებას აძლევთ ყველა მხრიდან დაინახონ მტერი

24. რწყილი თავის სიგრძეზე 200-ჯერ მეტ მანძილზე ხტება. ეს დაახლოებით იგივეა, 170 სმ სიმაღლის ადამიანი 340 მეტრზე გადახტეს

25. ზღარბის ეკლები წარმოადგენს მოდიფიცირებულ ბეწვს, რომლის სიგრძე 3-5 სმ-ია. მოზრდილ ზღარბს 5000-7000-მდე ეკალი აქვს