სახელი და გვარი: დამლა ჯოლბაი
დაბადების თარიღი: 14 იანვარი, 1993 წელი
დაბადების ადგილი: იზმირი, თურქეთი
ეროვნება: თურქი
პროფესია: მსახიობი
კარიერა: 2014 წლიდან
ზოდიაქო: თხის რქა
სიმაღლე: 170 სმ
წონა: 55 კგ

ახალგაზრდა თურქი მსახიობი, დამლა ჯოლბაი, დაიბადა თურქეთის ქალაქ იზმირში, სადაც მან მთელი ბავშვობის წლები გაატარა. 2013 წლიდან, დამლა საცხოვრებლად სტამბოლში გადავიდა. გოგონამ უმაღლესი განათლება თურქეთში, Dokuz Eylül - ის უნივერსიტეტში მიიღო, სადაც სამსახიობო ხელოვნებას დაეუფლა.

პირველად, დამლა ჯოლბაი, სამსახიობო ასპარეზზე 2014 წელს გამოჩნდა სერიალით "Kara Para Aşk" ("შავი ფული და სიყვარული").

2015 წელს, ახალგაზრდა მსახიობი გადაიღეს სერიალში "Hayat Mucizelere Gebe". მთავარი როლის მიუხედავად, ფილმმა თურქ გოგონას წარმატება ვერ მოუტანა, რადგან პროექტს მეტად დაბალი რეიტინგი აღმოაჩნდა. სერიალი 2016 წლის დასაწყისში, შვიდი ეპიზოდით დასრულდა.

ბოლო დროს, დამლა ჯოლბაი ცნობილი გახდა თურქული სატელევიზიო პროექტით "İçerde" ("შიგნით"), რომელიც ქართულ ტელე-სივრცეში ცნობილია სახელწოდებით "ძმა". ტელესერიალის პრემიერა 2016 წლის სექტემბერში შედგა. მასში დამლამ ერთ-ერთი მთავარი როლი შეასრულა, მან ჟურნალისტი გოგონას, ეილემის გმირი განასახიერა. ბოლო ნამუშევარმა თურქ გოგონას უდიდესი პოპულარულობა მოუტანა არა მხოლოდ თურქეთში, არამედ მის ფარგლებს გარეთაც.

რაც შეეხება პირად ცხოვრებას, დამლა ჯოლბაი ქორწინებაში არ იმყოფება. მას ჯერჯერობით სასიყვარულო ურთიერთობებით არ მიუპყრია საზოგადოების, თუ პაპარაცების ყურადღება.

ფილმოგრაფია:

2014-2015 - "Kara Para Aşk" ("შავი ფული და სიყვარული") (დემეთ დემირი)

2015-2016 - "Hayat Mucizelere Gebe" (ინჯი)

2016-2017 - "İçerde" ("შიგნით") (ეილემი)

ასევე დაგაინტერესებთ:

ვინ არიან ძმები, სარფი და მერტი, რომლებზეც კიდევ დიდხანს ისაუბრებენ (+ფოტოები)

ბენსუ სორალი - ვინ არის ულამაზესი თურქი მსახიობი, სერიალიდან "ძმა" (+ფოტოები)

ვინ არის და როგორ გამოიყურება რეალურ ცხოვრებაში "პატარა", თურქული სერიალიდან "ძმა"

როგორ გამოიყურება დღეს ჯოვანა ანტონელი - ჰადეს გმირი, ბრაზილიური სერიალიდან "კლონი"
(+ფოტოები)

ვინ არის და როგორ გამოიყურება ბაჰარის გმირი, პოპულარული თურქული სერიალიდან "მოპარული ცხოვრება" (+ფოტოები)

ვინ არის და როგორ გამოიყურება რეალურ ცხოვრებაში ეფსუნის გმირი, პოპულარული თურქული სერიალიდან "მოპარული ცხოვრება" (+ფოტოები)