ზაფხული ის დროა, როცა განსაკუთრებით დიდ დროს ვატარებთ ეზოში, სუფთა ჰაერზე. შესაბამისად, იმატებს მწერების ნაკბენით გამოწვეული უსიამოვნებები. კოღოს, კრაზანისა თუ სხვა მწერის ნაკბენი განსაკუთრებით ბავშვებისთვისაა სახიფათო. ქვემოთ ვისაუბრებთ იმაზე, თუ როგორ უნდა მოვიქცეთ, თუ ბავშვს რომელიმე მწერმა უკბინა და როგორია ამ დროს აუცილებელი პირველადი დახმარება.

ალბათ ბევრი ფიქრობს, რომ კოღოს ნაკბენი სრულიად უვნებელია, მაგრამ ეს დიდი შეცდომაა. უსიამოვნო შედეგების რისკი ამ შემთხვევაში საკმაოდ მაღალია. კბენის თავიდან ასაცილებლად, ცხადია უმჯობესია გამოვიყენოთ კოღოსა თუ მოსკიტების საწინააღმდეგო საშუალებები, როგორიცაა ფუმიგატორები, რეპელენტები და მოსკიტების საწინააღმდეგო ბადეები. თუმცა 100%-იანი დაცვის გარანტიას არც ეს იძლევა. ამიტომ, თუ მწერმა მაინც უკბინა თქვენს პატარას, აუცილებელია ვიცოდეთ როგორ მოვიქცეთ.

კოღოს ნაკბენის შემთხვევაში, დაიტანეთ ნაკბენ ადგილზე სპეციალური გელი, რომელიც ქავილს მოგიხსნით, ინფექციის შეღწევას თავიდან აგარიდებთ და დაგეხმარებათ ჭრილობის მოშუშებაში (მაგალითად, კალამინის ხსნარი, ცინდოლი ან ფენისტილ გელი). თუ ასეთი პრეპარატი არ გაქვთ, შეიძლება უბრალოდ რაიმე ცივი დაიდოთ ნაკბენზე. ეს ქავილს შეგიმცირებთ. ამასთან, ყოველ 40 წუთში ნაკბენზე დაიდეთ სოდის ფაფა. ინფექციისგან დაცვისათვის რეკომენდებულია ასევე ნაკბენზე ბრილიანტის მწვანე წაუსვათ.

ქინქლის ნაკბენის შემთხვევაშიც პრატიკულად იგივენაირად უნდა მოვიქცეთ. მთავარია ბავშვს არ მივცეთ საშუალება ქავილით გაიღიზიანოს ნაკბენი, რადაგან ამან შეიძლება დაამძიმოს მდგომარეობა და შხამის გავრცელებას შეუწყოს ხელი.

ჭიანჭველის ნაკბენის შემთხვევაში, ბავშვს რამდენიმე დღე უნდა დააკვირდეთ. ბევრ ადამიანს ჭიანჭველის შხამის მიმართ აუტანლობა გარკვეული დროის შემდეგ უვლინდება. პირველადი დახმარება ჭიანჭველის ნაკბენის დროს პრაქტიკულად იგივეა, რაც კოღოსა თუ ქინქლის შემთხვევაში.

გაითვალისწინეთ, რომ ანტიჰისტამინური პრეპარატები ინიშნება მხოლოდ იმ შემთხვევაში, თუ ქავილი ძალიან ძლიერია და ბავშვის ზოგად მდგომარეობაზე გავლენას ახდენს. თუ ნაკბენის დაჩირქება დაიწყო, დაუყოვნებლივ ექიმს უნდა მიმართოთ.

კრაზანისა და ფუტკრის ნაკბენი გაცილებით სახიფათო შეიძლება იყოს, განსაკუთრებით ბავშვისთვის.
პირველ რიგში აუცილებელია ფრთხილად ამოვიღოთ ნესტარი პინცეტის საშუალებით ან დანის გახახუნებით. არავითარ შემთხვევაში არ სცადოთ მისი თითებით ამოღება, რადგან ამან შეიძლება მდგომარეობა დაამძიმოს.

მობანეთ ნაკბენი ადგილი საპნით ინფექციის თავიდან ასაცილებლად. არ მისცეთ ბავშვს საშუალება მოიქავოს ან ფრჩხილით გაიკაწროს ნაკბენი. თუ ნაკბენის ადგილი შეშუპებას დაიწყებს, დაადეთ მას ცივი საფენები. მიეცით ბავშვს ანტიჰისტამინური პრეპარატი, რათა შემცირდეს ალერგიული რეაქცია.

დაუყოვნებლივ წაიყვანეთ ბავშვი საავადმყოფოში, თუ შეატყობთ, რომ მწერის ნაკბენის შემდეგ ბავშვს შემდეგი სიმპტომებიდან რომელიმე აღენიშნება:

- შეშუპება ნაკბენის ადგილზე;

- მკვეთრი გამონაყარი, რომელიც არა მხოლოდ ნაკბენ, არამედ სხვა ადგილებშიც შეიძლება გაჩნდეს;

- თავბრუსხვევა და თავის ტკივილი;

- გულისრევა;

- ტკივილი მკერდის არეში და სუნთქვის გაძნელება.

იმ შემთხვევაში, თუ კბენა მოხდა ერთდროულად რამდენიმე ადგილზე ან პირის ღრუში, ან თუ თქვენი პატარა 3 თვეზე ნაკლები ასაკისაა, დაუყოვნებლივ მიმართეთ ექიმს.

ასევე დაგაინტერესებთ:

1. რა ხდება სინამდვილეში, როცა თითებს ვატკაცუნებთ - ის, რაც აქამდე შეცდომით ვიცოდით!

2. რატომ არ ავადდებიან ათონელი ბერები კიბოთი - აღმოჩენა, რომელმაც მსოფლიო გააოცა!

3. 4 სიმპტომი იმისა, რომ ადამიანს ინსულტი უახლოვდება - ამით შეიძლება სიცოცხლე იხსნათ!

4. ერთადერთი პროდუქტი, რომელიც ანადგურებს ბაქტერიებს, ვირუსებსა და სოკოს ერთდროულად- აუცილებლად გქონდეთ სახლში!

5. სინამდვილეში რა არის და რა თვისება აქვს ენდროს - ეს აუცილებლად უნდა იცოდეთ!