ამერიკის შეერთებულ შტატებში მკვეთრად გაიზარდა იმ სახიფათო პარაზიტით დაინფიცირებული ადამიათა რიცხვი, რომელიც თავის ტვინში აღწევს.

მეცნიერები სერიოზულად ღელავენ ახალი საფრთხის გამო. ამერიკელი ბიოლოგების ინფორმაციით, პლანეტაზე გლობალურმა დათბობამ შესაძლოა ამ პარაზიტი-ჭიებით - Angiostrongylus cantonensis, დაინფიცირების ნამდვილი ეპიდემია გამოიწვიოს.

ამ სახეობის პარაზიტები მღრღნელების ორგანიზმში ვითარდებიან, უფრო კონკრეტულდ კი ქალაქის ვირთხებში. თუმცა, ამ ჭიების ე.წ. შუალედური "მფლობელები" არიან მოლუსკები, ბაყაყები და კიბოსებრნი, რომელიც ადამიანმა შესაძლოა საკვებად გამოიყენოს.

როდესაც ეს პარაზიტი ადამიანის ორგანიზმში ხვდება, პირდაპირ ტვინში აღწევს. მართალია, პარაზიტები კვდებიან, მაგრამ მათ გარშემო ტვინის უჯრედების ნეკროზი ვითარდება. დაინფიცირებულებს ისეთი დაავადება უვითარდებათ, როგორიცაა მენინგოენცეფალიტი – რომელიც იწვევს ცენტრალური ნერვიული სისტემის მუშაობის დარღვევას და სიკვდილსაც კი. დაავადებულებს ახასიათებთ თავის ტკივილები, გულის რევის შეგრძნება, ღებინება, ციებ-ცხელება და ნაწილობრივი დამბლა.

დღევანდელი მონაცემებით პარაზიტები A.cantonensis გავრცელებულია ფლორიდის შტატის ხუთ ოლქში, ასევე აღმოაჩინეს ალაბამას, ლუიზიანას და კალიფორნიის შტატების ტერიტორიაზე, წერს Gizmodo. ჰავაიზე, მხოლოდ 2017 წელს პარაზიტებით დაინფიცირების 16 შემთხვევა დაფიქსირდა. ცვალებადი კლიმატური პირობების გამო, მსხვერპლის რაოდენობა შესაძლოა გაიზარდოს, აცხადებენ მეცნიერები და აღნიშნავენ იმ ფაქტს, რომ გასული 20 წლის მანძილზე მხოლოდ

ორი მსგავსი ფაქტია გამოვლენილი.