რუსთავი-2-ის გენერალური დირექტორი 14 ივლისს დაგეგმილ "ქართველთა მარშის" აქციას ეხმაურება, რომელიც აქ მცხოვრები უცხოელი მოქალაქეების(განსაკუთრებით აზიელი) წინააღმდეგ არის მიმართული, და რომლის ორგანიზატორი მოძრაობა ეროვნულების ლიდერი სანდრო ბრეგვაძეა.

"ყველა ქართველ ფაშისტ ემიგრანტს ვუსურვებ კინწისკვრით სამუდამო დეპორტაციას იმ ქვეყნებიდან, სადაც სარჩოს შოულობენ და კიდევ აქ არჩენენ თავის ფაშისტური განწყობების ოჯახებს. გამეხარდება ძალიან, შიმშილის გზით რომ მივლენ ჭეშმარიტებამდე."-წერს გვარამია სოციალურ ქსელში.

თავის მხრივ სანდრო ბრეგაძე წერს, რომ "ძალიან მაგარია, რომ მთელი მოღალატეები ”ქართველთა მარშის” წინააღმდეგ გაერთიანდნენ.ბიჭებო!!! ასე იყო ჩვენს ისტორიაში, შინაური თუ გარეული მტრები ჩვენი წინაპრების წინააღმდეგ ერთად შეიყრებოდა და შემდეგ ხდებოდა ”ძლევაი საკვირველი”.სწორედ ასეთი ”ძლევაი საკვირველი” გველის წინ.უფალმა დაგლოცოთ.ქართული მარშის თითოეული მონაწილე ჩემთვის დიდგორის მებრძოლებთან ასოცირდება .წინ გამარჯვებაა"