ქალისთვის მნიშვნელოვანი მხოლოდ ის კი არ არის, რომ ლამაზად გამოიყურებოდეს, არამედ იმასაც დიდი მნიშვნელობა აქვს, რომ მსგავსი სამოსი სხვასაც არ ეცვას. ამიტომ, კარგი იქნება, კაბას მკერავთან თუ შეიკერავთ და კიდევ უფრო იაფად გამოხვალთ, თუ ამას თავად მოახერხებთ!
აქ წარმოდგენილი მოდელები ძალიან მარტივი შესაკერია და მათ შესაქმნელად, განსაკუთრებული ცოდნა და გამოცდილება საჭირო არ არის.

ქვემოთ მოცემული თარგები S და M ზომებზეა გათვლილი და გამოყენების შემთხვევაში, საკუთარი ზომა აუცილებლად გაითვალისწინეთ!

1. პატარა შავი კაბა ყველა ქალის გარდერობში უნდა იყოს. თარგი ძალიან მარტივია. ხოლო, კაბა – ეფექტური.

2. ეს ძალიან დახვეწილი კაბაა! ყველაზე მთავარი, კი ის არის, რომ მისი შეკერვა ძალიან მარტივია. გარდა ამისა, ქამრის ან სხვა აქსესუარების დამატების შემთხვევაში, მისი იერის შეცვლა შეიძლება.

3. ეს მოდელიც უმარტივესია! და რამდენად დახვეწილი და ელეგანტური იქნება, მთლიანად ქსოვილზე არის დამოკიდებული.

4. სარაფანი ზღვის სანაპიროზე სეირნობისთვის. მხოლოდ ჩალის ქუდი არის საჭირო და სუპერ-ელეგანტური სტილი მზად იქნება.

5. ეს საზაფხულო სარაფანის კიდევ ერთი ვარიანტია. ძალიან ლამაზი მოდელია oversize -ის (სრული, განიერი) სტილში.

6. ულამაზესი საღამოს კაბაა, რომლის გადაკეთება (სიგრძის დამოკლებით) კოქტეილის კაბად შეიძლება. მისი შეკერვა იმდენად მარტივია, რომ სალაპარაკოდაც არა ღირს.

7. წელს მოდაში თამამი სტილი (გამჭვირვალე სამოსი, ბრა-ტოპი, ღრმა დეკოლტე და მოშიშვლებული მხრები) არის და რამდენად ელეგანტური იქნება თქვენი კაბა, ქსოვილზე და თქვენს გემოვნებაზე არის დამოკიდებული.

8. თოჯინის კაბა — ყველა გოგონას ოცნებაა. ეს მოდელი, სხვა კაბებთან შედარებით, ცოტა რთულია და თუ ამ საქმეში ახალბედა ბრძანდებით, დახმარება აუცილებლად დაგჭირდებათ.

9. ასეთი კაბით ოფისშიც შეიძლება წასვლა და სასეირნოდაც. მისი მთავარი ღირსება ის არის, რომ ტანზე არ არის მომდგარი და პატრონს სრულ თავისუფლებას ანიჭებს.

10. ეს მაქმანებიანი კაბა ძალიან ქალური და ელეგანტურია. მაგრამ, შესაძლებელია, რომ სხვისი დახმარება ამ შემთხვევაშიც საჭირო გახდეს.

11. ძალიან ორიგინალური საზაფხულო კაბაა: მსუბუქი და ჰაეროვანი. განსაკუთრებით უხდება ქსოვილს ყვავილებიანი პრინტით. ამასთან, მისი შეკერვა, არც თუ ისე რთულია.

12. ამ კაბაში ერთდროულად არის გაერთიანებული ელეგანტურობა და სექსუალურობა. მისი დახმარებით, მთელი მსოფლიოს დაპყრობა შეიძლება.
ლამაზი კაბის შესაკერად, არ არის საჭირო, რომ ამ საქმის პროფესიონალი იყოთ. ერთი შეხედვით რთული რაღაცეები, სინამდვილეში, ძალიან მარტივად გასაკეთებელია. ამოირჩიეთ მოდელი, შეარჩიეთ ქსოვილი და კერვას შეუდექით. ცოტაოდენი ძალისხმევის გამოჩენის შემდეგ, თქვენ ერთადერთი და განუმეორებელი კაბის მფლობელი გახდებით!

კაბა პლაჟისთვის

ეს კრეატიული კაბის უმარტივესი მოდელია — თქვენ დაგჭირდებათ: მართკუთხედის ფორმის ქსოვილი და 2 ზონარი.

შეკერვა: ქსოვილს კუთხეებზე მიაკერეთ ზონარები, როგორც ქვემოთ, სურათზე არის ნაჩვენები და მორჩა. სულ ეს არის!

ბედნიერ დასვენებას გისურვებთ!!!