რა უფრო დიდ გავლენას ახდენს ადამიანის პიროვნების ჩამოყალიბებაზე აღზრდა თუ გენეტიკა — ეს ერთ-ერთი აქტუალური და საინტერესო კითხვაა საზოგადოებრივ მეცნიერებაში. ამის გასარკვევად, საუკეთესო ვარიანტი იქნებოდა, კლონების დიდი ჯგუფის შექმნა და მათი სხვადასხვა გარემოში მოთავსება. მაგრამ, ეს შეუძლებელია და მეცნიერები იმით დაკმაყოფილდნენ, რაც არის — ანუ ტყუპებით, ერთი კვერცხუჯრედიდან, რომლებიც ფაქტიურად, ერთმანეთის კლონები არიან.
მემკვიდრეობითობის შესწავლის მიზნით, ტყუპების გამოყენების იდეა ინგლისელ მეცნიერს ფრენსის ჰალტონს ეკუთვნის. მან XIX საუკუნის ბოლოს, გარემო ფაქტორების პიროვნებაზე ზეგავლენის შესწავლა დაიწყო. ის ამტკიცებდა, რომ ახალშობილი სუფთა ფურცელი არ არის და პიროვნების ჩამოყალიბებაში დიდ როლს გენეტიკა თამაშობს. ჰალტონის მიერ, ამ განცხადების გაკეთებიდან, 1 საუკუნის შემდეგ, ამ საკითხით დაინტერესებულმა მეცნიერებმა, მოახერხეს და ერთკვერცხუჯრედიანი ტყუპები მოძებნეს, რომლებიც დაბადებისთანავე დაშორებულები იყვნენ. სხვადასხვა ადამიანების მიერ აღზრდილ ტყუპებს, შეეძლოთ, ბოლოს და ბოლოს, ზუსტად გაეცათ პასუხი კითხვაზე: «რა უფრო მეტად ახდენს გავლენას პიროვნებაზე, ბუნება თუ აღზრდა»?

ოთხი სხვადასხვა ტესტის მონაცემების დამუშავების შემდეგ, დაადგინეს, რომ 75% პიროვნებაში მემკვიდრეობითია და მხოლოდ 25% აღზრდაზე და გარემოზე მოდის.