ცნობილი დიჯეი 47 წლის ასაკში გარდაიცვალა იბიცაში.მუსიკოსის გარდაცვალების მიზეზი ჯერჯერობით უცნობია.

ესპანეთში, იბიცას კუნძულზე გარდაიცვალა ცნობილი იტალიელი დიჯეი და კომპოზიტორი რობერტ მაილზი.მუსიკოსი 47 წლის იყო.

მუსიკოსმა განსაკუთრებით სახელი გაითქვა 90-იანი წლების შუა ხანებში სინგლებით "Fable“ და "Children", ამ უკანასკნელმა მსოფლიოს 12 ქვეყანაში დაიკავა №1 ადგილი, ხოლო ალბომმა "Dreamland", რომელიც 1996 წელს გამოვიდა მსოფლიოს მრავალ ქვეყნაში ოქროს და პლატინის სტატუსი შეიძინა, მთლიანად გაიყიდა 5 მლნ. ასლი.

რობერტ მაილზი ითვლება მუსიკალური ჟანრის, - დრიმ-ჰაუზის ფუძემდებლად.