ელფებზე ყველაფრის გაგება თუ გინდათ, ისლანდიაში უნდა გაემგზავროთ. სწორედ იქ არის, მსოფლიოში ერთადერთი, ელფების სკოლა – Álfaskólinn, რომელიც ქვეყნის დედაქალაქში, რეიკიავიკში მდებარეობს. ისევე, როგორც ყველა სკოლაში, იქაც აქვთ სახელმძღვანელოები, რომლებშიც ყველაფერია მოთხრობილი 13 სახეობის ელფის შესახებ.

აქვე უნდა აღინიშნოს, რომ ელფები ირლანდიაში აღიარებულები არიან. თურმე, ამ ზღაპრულ არსებებს ბევრი თვითმხილველიც ჰყოლია და თუ ხსენებული სკოლის კურსდამთავრებული, შემთხვევით, ტყეში რომელიმე მათგანს შეხვდება, ეცოდინება რომელი სახეობის ელფთან აქვს საქმე.

სკოლაში ასევე შეიძლება იმის გაგება, თუ როგორ უნდა მოიქცეს ადამიანი ფერიასთნ, ტროლებთან და ჯუჯებთან შეხვედრის შემთხვევაში. მაგრამ, ძირითადი საგანი – «ელფოლოგია» არის.
რაოდენ უცნაურადაც არ უნდა მოგეჩვენოთ, ტურისტებს აქ შეუძლიათ ექსკურსიის შეკვეთა, იმ ადგილების მოსანახულებლად, სადაც ელფები ბინადრობენ. ხოლო, ყველაზე ცნობისმოყვარე მოგზაურებს, 10 საათიან სასწავლო (5 გაკვეთილი, 2 სთ-ს ხანგრძლივობით) კურსს მოსმენაც შეუძლიათ, რომელშიც თეორიული სწავლების გარდა, ელფების სახლების მონახულებაც შედის.
კურსის დასრულების შემდეგ, გასცემენ დიპლომს, რომელიც ადასტურებს, რომ მის მფლობელს, საკმარისი ცოდნა გააჩნია ელფებთან ურთიერთობის შესახებ.