სატომრე ქსოვილი იქმნება სელისა და კანაფის გამოყენებით. ეს მცენარეებისგან მიღებული ტექსტურა სინაზითა და ხავერდოვნებით ნამდვილად არ გამოირჩევა. პირიქით, არის უხეში ნაქსოვი, ნატურალური ბეჟი შეფერილობის. სატომრე ქსოვილს სხვადასხვა დანიშნულებით იყენებენ, ძირითად კი მარცვლეულისა და ბოსტნეულის შესანახად. ასევე, ზოგიერთი დიზაინერი მას კედელზე აკრავს, რამდენადაც კარგად ითვისებს საღებავს და ამასთან, გამორჩეული ტექსტურა აქვს.

სატომრე ქსოვილს ისეთივე დონის პატივისცემა არ დაუმსახურებია, როგორც ეს მისმა ბიძაშვილმა, ტილომ, მოახერხა. თუმცა, უნდა აღვნიშნოთ, რომ მისი გამოყენება იმავე დანიშნულებით სრულიად შესაძლებელია. გასტრონომიულ მაღაზიებში ამ ქსოვილით დამზადებული ჩანთებით ხშირად ანაცვლებენ პოლიეთილენის ან ქაღალდის შეფუთვას, ეკოლოგიური თვალსაზრისით ეს არაჩვეულებრივი იდეაა. სატომრე ქსოვილი ბიოდეგრადირებადია, რაც იმას ნიშნავს, რომ საბოლოოდ ის ისე დაიშლება, რომ გარემოს არანაირ ზიანს არ მიაყენებს. მისი გამოყენება, ეკონომიური კუთხით თუ ვიმსჯელებთ, საკმაოდ ეფექტური და მომგებიანია.

საინტერესო ფაქტები:
– სატომრე ქსოვილი წარმოშობით ინდოეთიდანაა. მას იყენებდნენ თოკისა და ქაღალდის წარმოებისთვის.
– როდესაც ინგლისელებმა ბრიტანეთში შეიტანეს, პირველად შოტლანდიელებმა დართეს მისგან ძაფი.
– ბანგლადეში და ინდოეთი სატომრე ქსოვილის ყველაზე მსხვილი მწარმოებელი ქვეყნებია, მათ მჰოყვება ჩინეთი, ბრაზილია და ტაილანდი.
– სატომრე ქსოვილს აქტიურად იყენებენ ხალიჩებისა და ლინოლეუმის წარმოებისას.
– მისი გამძლე თვისების გამო, ამ მასალისგან კერავენ ტომრებს სხვადასხვა საქონლის ტრანსპორტირებისთვის.
– ასევე გამოიყენება რბილი ავეჯის წარმოების ინდუსტრიაში.
– მეორე მსოფლიო ომის დროს ჯარისკაცები სატომრე ქსოვილით ინიღბებოდნენ.
– ტრენდული გახდა მისი გამოყენება თანამედროვე ინტერიერის დიზაინში.
სწორედ ამაზე გავამახვილებთ ყურადღებას და წარმოგიდგენთ 100 უნიკალურ ნიმუშს. ზოგიერთი მათგანის დამზადებას თავადაც შეძლებთ. ყურადღებით დაათვალიერეთ და შეარჩიეთ, რათა უფრო მეტი ელეგანტურობა და ორიგინალურობა შესძინოთ თქვენს სახლს.

56. ყავის მარცვლებით გაფორმებული ორიგინალური დეკორატიული ნივთები სატომრე ქსოვილისგან

62.