მხოლოდ და მხოლოდ უკუღმა სირბილი. ეს ძალიან საინტერესო და ეფექტური ვარჯიში არის. და ამასთან, უსაფდრთხოც: ამცირებ ზურგის და კიდურების ტრამვის რისკს, ავითარებს ბალანსს, უფრო სწრაფად ამცირებს ჭარბ წონას.

რატომ არის ეფექტური ჭარბი წონის დაკლების სურვილის შემთხვევაში?

უკუღმა სირბილის დროს, მეტი კალორია იწვება, ვიდრე ჩვეულებრივი სირბილისას, რადგან უფრო მეტი კუნთი მონაწილეობს ვარჯიშში და განსაკუთრებით დიდი დატვირთვა კვადრიცეპსებზე მოდის. ამიტომ, ასეთი სირბილით, ფიტნეს დარბაზში, სრულფასოვანი ვარჯიშის ჩანაცვლება შეიძლება. უბრალოდ წარმოიდგინეთ: 100 ნაბიჯი ზურგის მიმართულებით, 1 000 ჩვეულებრივი ნაბიჯის ტოლფასია. ხოლო უკუღმა სირბილის 1 წრე – ჩვეულებრივი სირბილის 6 წრეს უტოლდება. ეს კი, დროის ეკონომიის საუკეთესო ხერხია.

ამრიგად, ე. წ. რეტრო–სირბილის უპირატესობა შემდეგშია:

1. ფეხის კუნთების დამუშავება, სახსრებისთვის ტკივილის მიყენების გარეშე.

ასეთი სირბილის დროს, ფეხის ყველა კუნთი მუშაობს, მუხლზე კი არანაირი ზეწოლა არ ხორციელდება.

2. ხდება დისბალანსის თავიდან არიდება.

წინ სირბილის დროს, ყოველთვის ერთი და იგივე მოძრაობა მეორდება, რაც დისბალანსს იწვევს და ქრონიკულ პრობლემებს უქმნის მუხლებს. უკან სირბილი ასუსტებს ზეწოლას მუხლებზე, რადგან ფეხის მოხრა ტერფიდან ხორციელდება და არა ბარძაყიდან.

უკუღმა სირბილის დროს, ადამიანი ვერ ხედავს სარბენ ბილიკს და ის მთლიანად პერიფერიულ მხედველობაზე და სმენაზე ხდება დამოკიდებული. რაც ამ გრძნობების გაძლიერებას და განვითარებას იწვევს. დამატებითი ბონუსი — კოორდინირების მექანიზმების გაუმჯობესება.

ყოველდღიური, ჩვეულებრივი ვარჯიშის გამრავალფეროვნება და საპირისპირო მიმართულებით მოძრაობა, ტვინს განსხვავებულად მუშაობას აიძულებს. ეს კი ახალი ნეირონების წარმოქმნის მიზეზი ხდება.

ჩვეულებრივი სირბილის დროს, თავი და სხეულიზ ზედა ნაწილი წინ იხრება, ხოლო უკან სირბილისას, ზურგი ღებულობს სწორ, ბუნებრივ მდგომარეობას. გარდა ამისა, სირბილის ასეთი ტექნიკა, წელზე ზეწოლას ასუსტებს.

* ახალი მეთოდით სირბილი თუ გადაწყვიტეთ, შეარჩიეთ სწორე, თქვენთვის კარგად ნაცნობი მარშუტი, მინიმალური წინააღმდეგობებით. იდეალური ვარიანტია სტადიონი, სადაც ორიენტირება მონიშნულ ნიშნებზე შეიძლება.

* გეშინიათ ხალხის რეაქციის? მაშინ ტექნიკა სარბენ ბილიკზე დაამუშავეთ, რომ შემდეგ, თქვენი მსუბუქი მოძრაობით, ირგვლივ მყოფების აღფრთოვანება გამოიწვიოთ.