წინასწარი მონაცემებით 16 წლის ბიჭი ფხიზელი იყო.შემთხვევა ნოვოსიბირსკში, ბელოვეჟსკის ქუჩაზე მოხდა.

როგორც დადგინდა, ბიჭს სურდა თავის მეგობარი გოგონას გაოცება ან შეშინება. მრავალსართულიანი კორპუსის 23-ე სართულიდან იგი აივანზე გადაძვრა და რიკულს ცალი ხელით დაეკიდა, თუმცა თავი ვეღარ შეიმაგრა და ძირს ჩავარდა.

ბიჭი ეზოში მდგარ Renault Logan-ს ზედ დაეცა, რამაც ოდნავ შეამსუბუქა დაცემა.

"ჯერ ყვირილი გავიგეთ, შემდეგ კი დაცემის ხმა, მაშივე მივხვდით რაც ხდებოდა.სასწრაფო მალე მოვიდა, ბიჭი ჯერ კიდევ ცოცხალი იყო"-აცხადებენ თვითმხილველები.

შემთხვევის ადგილიდან სასწრაფომ მოზარდი ბიჭი 34-ე კლინიკურ საავადმყოფოში გადაიყვანა.ექიმების განცხადებით, მრავლობითი ტრავმების მიუხედავად მისი მდგომარეობა სტაბილურია.მომხდარ ფაქტზე მიმდინარეობს გამოძიება, მასალები საგამომძიებლო კომიტეტს გადაეცა.