ებრაელმა მხატვარმა სიგალიტ ლანდაუმ უცნაური პერფომანსი მოაწყო, რომელსაც სახელად " მარილიანი პატარძალი" დაარქვა. პერფომანსის განსახორციელებლად მხატვარმა სამგლოვიარო კაბა მკვდარი ზღვის ფსკერზე მოათავსა. ორი წლის მანძილზე ლანდაუს გუნდის წევრები ჩადიოდნენ ზღვის ფსკერზე, რათა ფირზე აღებეჭდათ მბრწყინავი მარილის კრისტალების ფენის ინტენსიური ზრდა ქსოვილის ზედაპირზე.

ორიგინალური სკულპტურის შექმნის იდეა მხატვარს შთააგონა კინოფილმმა "დიბუკი". ''მარილიანი პატარძლის'' შესაქმნელად ლანდაუმ გამოიყენა შავი ფერის სამგლოვიარო კაბა, ზუსტად ისეთი, როგორიც ფილმის მთავარ გმირ ქალს ეცვა.

მთელი ორი წლის განმავლობაში სამგლოვიარო კაბა მკვდარი ზღვის ფსკერზე იმყოფებოდა და თანდათანობით იფარებოდა მარილის კრისტალებით.

ორი წლის შემდეგ კაბაზე მარილის იმოდენა ფენა წარმოიქმნა, რომ ზღვის ფსკერიდან მისი ამოღება შეუძლებელი გახდა, ამიტომ კაბას რამოდენიმე ფრაგმენტი მოაცილეს და ზღვაში დატოვეს.

თავისი პროექტით სიგალიტს უნდოდა ეჩვენებინა ბუნების გასაოცარი ძალა, რომელსაც სასწაულებრივად შეუძლია შეცვალოს საგნები და მოვლენები.

ამჟამად ექსპოზიცია Salt Bride ("მარილიანი პატარძალი") გამოფენილია ლონდონის მხატვრულ გალერეაში Marlborough Contemporary.