შაქრის საყოველთაო დეფიციტის ფონზე, ერთი ნამცხვრის რეცეპტი გამახსენდა, რომლის გამოსაცხობად, შაქარი არა არის საჭირო. ამასთან, ამ ცომით, ერთდროულად, ერთის კი არა, რამდენიმე სახის ნამცხვრის გამოცხობა შეიძლება.

შესქელებული რძე (უმი) – 1 ქილა

კვერცხი – 2 ცალი

გამდნარი კარაქი – 100 გრ.

სოდა – 1 ჩ. კ.

ძმარი – 1 ს. კ.

მარილი – 1 მწიკვი

ვანილინი – 0, 5 პაკეტი

ფქვილი – რასაც შეიზელს

ქიშმიში – 100 გრ. (სურვილის შემთხვევაში)

შესქელებული რძე – ნახევარი ქილა

შავი შოკოლადი – 100 გრ.

ნიგოზი – 100 - 150 გრ.

ან

ჯემი – 200 გრ.

ან

შოკოლადის კრემი "ნუტელა"

ან

დაფქული 1 ჭ. ნიგოზი და 1 ფილა შავი შოკოლადი

1 კვერცხის გული და 0, 5 პაკეტი ვანილინი – გადასასმელად.

I. ჯერ გულსართი მოამზადეთ: მოათავსეთ შოკოლადის ნატეხები პატარა ზომის თასში, დაამატეთ შესქელებული რძე და თასი მოათავსეთ წყლის აბაზანაზე > იქამდე ურიეთ, ვიდრე შოკოლადი არ გადნება და რძეს არ შეერევა > დაამატეთ მანქანაში გატარებული ნიგოზი და კარგად მოურიეთ.

II. ათქვიფეთ კვერცხი, მარილი და ვანილინი > დაამატეთ შესქელებული რძე და კარგად ათქვიფეთ > დაამატეთ კარაქი, სოდა, ძმრით და ისევ ათქვიფეთ > თუ ქიშმიშსაც დაამატებთ, მაშინ წინასწარ დაასხით მდუღარე წუალი, როდესაც შეგრილდება, წყლიდან ამოწურეთ და ფქვილში ამოავლეთ > დაამატეთ იმდენი ფქვილი, რასაც შეიზელს.

ცომი უნდა იყოს რბილი და გასაბრტყელებელი.

III. გაყავით ცომი ორ ნაწილად და თითოეული გააბრტყელეთ, 1 სმ–ს წიწეზე > გადაუსვით ფენებს გულსართი და გადაახვიეთ ხვეულის სახით.

IV. შეურიეთ კვერცხის გულს ცოტა წყალი და ვანილინი > გადაუსვით ხვეულებს ზემოდან > მოათავსეთ ცხიმწასმულ საცხობ ფირფიტაზე ან კალკაზე.

V. გამოაცხვეთ 180 გრადუსზე, წინასწარ გახურებულ ღუმელში.