დღესდღეობით გიტარა ერთ-ერთი ყველაზე პოპულარული ინსტრუმენტია მსოფლიოში. ამ მუსიკალურ ინსტრუმენტზე დაკვრა შედარებით იოლი შესასწავლია და ამიტომ საკმაოდ ბევრი ადამიანი ეუფლება გიტარაზე დაკვრის ხელოვნებას, მაგრამ იმისათვის, რომ ვირტუოზი გიტარისტი გახდე, საჭიროა შრომისმოყვარეობა და რა თქმა უნდა, ბუნებრივი ნიჭი.

მსოფლიოში უამრავი ცნობილი გიტარისტია, თუმცა უნდა ავღნიშნოთ, რომ მათი გიტარებიც საკმაოდ ღირებულ ფასეულობებს წარმოადგენს და ზოგიერთმა მათგანმა პოპულარობით ლამის პატრონსაც კი გაუსწრო.

მაშ ასე, თქვენ წინაშეა მსოფლიოში ცნობილი გიტარისტების არანაკლებ ცნობილი და ძვირადღირებული ინსტრუმენტები.

LUCILLE-ეს ნახევრადაკუსტიკური ინსტრუმენტი ბი ბი კინგს ეკუთვნოდა. ამ გიტარასთან მეტად გულისამაჩუყებელი ისტორიაა დაკავშირებული: მუსიკოსმა საკუთარი სიცოცხლის რისკის ფასად ეს ინსტრუმენტი ხანძრის დროს დაწვას გადაარჩინა. შემდგომში რომის პაპმა მუსიკოსი თავის გიტარასთან ერთად დალოცა.

Hofner Violin Bass-არანაკლებ ცნობილია ეს გიტარა. ის ლივერპულელი ოთხეულის ერთ-ერთ წევრს-პოლ მაკარტნის ეკუთვნოდა. მუსიკოსმა ის გარეგნული შეხედულების გამო შეარჩია. რადგან მაკარტნი ცაცია იყო, მას მოუხდა სიმების გადაწყობა გიტარაზე. სწორედ ამიტომ არჩია მან ეს ინსტრუმენტი. აღსანიშნავია, რომ კარიერის დასაწყისში პოლს სულაც არ უნდოდა ბასისტი ყოფილიყო, თუმცა შემდეგ ის მსოფლიოში ერთ-ერთი სახელგანთქმული ბასისტი გახდა.

Blackie-ყველაზე ძვირფასი გიტარაა მსოფლიოში. ის ეკუთვნოდა ერიკ კლეპტონს. მან ამ გიტარას უწოდა ყველაზე საუკეთესო ინსტრუმენტი მსოფლიოში. შემდგომში ეს ნივთი აუქციონზე მილიონ დოლარად გაიყიდა.

Frankenstrat-ეს გიტარაც არანაკლებ სახელგანთქმულია. ის 1958 წელს ააწყვეს და მასზე ედი ვან ჰალენი უკრავდა. თავისი არაორდინარული ქცევის გამო სცენაზე მან არაერთხელ დააზიანა ინსტრუმენტი, ერთხელ გატეხა კიდეც, მაგრამ ხელმარჯვე ოსტატებმა გიტარას რესტავრაცია გაუკეთეს და პირვანდელი სახე დაუბრუნეს.

Axe Bass- ეს გიტარა ცნობილია თავისი ორიგინალური გარეგნული სახით და ის ეკუთვნოდა ჯინ სიმონსს ჯგუფიდან KISS. ინსტრუმენტი გარეგნობით ჯალათის ნაჯახს ჰგავს, ამიტომ მსოფლიო პოპულარობა მალევე მოიპოვა. თუმცა მუსიკოსმა ის მხოლოდ რამოდენიმე კონცერტზე გამოიყენა.

Fender Stratocaster-ალბათ ბევრმა თქვენგანმა იცნო ეს ინსტრუმენტი. მასზე სახელგანთქმული ჯიმი ჰენდრიქსი უკრავდა. ამ გიტარას მეტად მძიმე ხვედრი ერგო წილად: ის გადმოაგდეს მთელი სიჩქარით მიმავალი ავტობუსიდან, რამოდენიმეჯერ ცეცხლიც კი წაუკიდეს, მაგრამ ამას გავლენა არ მოუხდენია მის ხარისხზე. გიტარა რამოდენიმეჯერ აღადგინეს და პატრონს ის არასოდეს მოუცილებია გვერდიდან.