სულ ახლახან ინტერნეტში გამოჩნდა ლეგენდარული ჯგუფის Pink Floyd-ის ახალი ვიდეოკლიპი. კლიპი გადაღებულია მუსიკალურ კომპოზიციაზე «Marooned», რომელიც ეძღვნებოდა სტუდიური ალბომის «Division Bell»-ის გამოსვლის 20 წლისთავს.

კლიპის პირველ ნახევარში მოქმედება ხდება მიტოვებულ კოსმოსურ სადგურში. კადრები აშკარად მიგვანიშნებენ ჯგუფის წევრების ბედზე, რომელთაგან ორი, სამწუხაროდ, ცოცხალი აღარაა.

კლიპის მეორე ნახევარს ჩვენ გადავყავართ პრიპიატის მრუმე და დადუმებულ ატმოსფეროში. ჟრუანტელისმომგვრელი კადრები კიდევ ერთხელ მოგვაგონებს ჩერნობილის უმძიმეს ტრაგედიას, რომელმაც მთელ დასავლეთ ევროპაში საშინელი ეკოლოგიური კატასტროფა გამოიწვია.

თანამედროვე ჩერნობილის კადრები ნელ-ნელა ენაცვლება საბჭოთა ეპოქისდროინდელ სამოყვარულო ფოტოკამერებით გადაღებულ კადრებს.

გთავაზობთ ამ ვიდეოკლიპს, რათა დატკბეთ ამ ლეგენდარული ჯგუფის ულამაზესი კომპოზიციით.