მომღერალი და ტელეწამყვანი მარიტა როხვაძე საზოგადოებამ მუსიკალური ტელეპროექტის "ჯეოსტარი"-ის საშუალებით გაიცნო როგორც მოკრძალებული, პუტკუნა და ლამაზი გოგონა. მარიტა "ჯეოსტარი 2011"-ის გამარჯვებული იყო და პრიზად მას ბათუმში ბინა ერგო.

მარიტა როხვაძე ქუთაისელია, სწავლობდა აკაკი წერეთლის სახელობის უნივერსიტეტში ტურიზმის განხრით და მუშაობდა კულტურის მთავარ სპეციალისტად ქუთაისის მერიაში. ახლა კი, იგი მარაო რუსთავი 2-ში მუშაობს ჟურნალისტად და შოუმენ ნიკა გრიგოლიასთან ერთად მიყავს გადაცემა "კოქტეილი", სადაც ცნობილი ქართველი სელებრითების შესახებ გავრცელებულ ყველაზე აქტუალურ ჭორებზე პასუხებს თვითონ ცნობილი ქართველებისგან იღებენ.

ასე რომ, "ჯეოსტარმა" მარიტას ცხოვრებაში ბევრი რამ შეცვალა. გარდა იმისა რომ ცნობადი გახდა, იმიჯიც რადიკალურად შეიცვალა-დაიკლო წონაში და მოკლე ვარცხნილობაც გაიკეთა.

კონკურსის პერიოდში მარიტა საკმაოდ ხორციანი გოგო იყო. დიეტის, უფრო კი "შიმშილით" და ვარჯიშების საშუალებით მან შეძლო და ოთხ თვეში 17 კილოგრამი დაიკლო.

საყვარელი გოგონასაგან მარიტა სექსუალურ და სასურველ ქალად იქცა. მისი თაყვანისმცემლების რიცხვი კი მას შემდეგ კიდევ უფრო გაიზარდა, რაც მარიტამ სოციალურ ქსელში ჯერ აუზზე, ახლა კი ზღვის სანაპიროზე საცურაო კოსტიუმში გადაღებული ფოტოები გამოაქვეყნა.

მარიტა მართლაც რომ უზადოდ გამოიყურება. ახლა კი ვნახოთ მისი ცხელი ფოტოები, რომლებმაც მთელი ქართული ინტერნეტ სივრცე დაიპყრო:


ფოტოები აუზიდან:

აი, ასეთი იყო მარიტა პოპულარობამდე: