ქალაქ საგამიჰარაში(კანაგავას პრეფექტურა)უცნობი მამაკაცი დანით თავს დაესხა ადამიანებს.არის მსხვერპლი:19 მოკლული და 45 დაჭრილი.

ინციდენტი მოხდა ღამის 2 საათზე და 30 წუთზე ადგილობრივი დროით.სააგენტო Kyodo-ს ცნობით უცნობი მამაკაცი შეიჭრა შეზღუდული შესაძლებლობების პირთა დაწესებულებაში და დანით თავს დაესხა მედპერსონალს და პაციენტებს.მოკლულია 9 მამაკაცი და 10 ქალი.

თავდამსხმელი პოლიციამ დააკავა, როგორც გაირკვა იგი ინვალიდთა სახლის ყოფილი თანამშრომელია.26 წლის მკვლელის პირველი კომენტარი დაკავების შემდეგ ასეთი იყო:"მე ეს გავაკეთე, ყველა ინვალიდი უნდა გაქრეს".

მთლიანობაში შეზღუდულ შესაძლებლობების პირთა პანსიონში 150 პაციენტი გადიოდა მკურნალობას.მათი ასაკი 18-იდან 75 წლამდეა. 20 დაჭრილის მდგომარეობა მძიმეა.

პოლიციამ განაცხადა, რომ ეს არის ყველაზე მასიური მკვლელობა იაპონიის ისტორიაში მეორე მსოფლიო ომის შემდეგ.