ბუშის "პარტნიორები" იყვნენ მისი მეუღლე ლორა და ბარაკ ობამას ცოლი მიშელი.

აშშ-ს ყოფილმა პრეზიდენეტმა ჯორჯ ბუშმა უმცროსმა წაიცეკვა დალასში მოკლული პოლიციელების პანაშვიდზე.

ეს მოხდა, მაშინ როდესაც შესრულდა "რესპუბლიკის საბრძოლო ჰიმნი ".ამ დროს ჯორჯ ბუშმა ცალი ხელი თავის ცოლს, ლორას ჩასჭიდა, ხოლო მეორე ბარაკ ობამას მეუღლეს, მიშელს.

ცეკვის დროს ქალები აშკარად უხეხულად იშმუშნებიან და ცდილობენ ბუშს არ აყვნენ, მიშელს ეცინება კიდეც ბუშის საქციელზე.

ბუშის საქციელმა აღაშფოთა ამერიკული საზოგადოება, ამას მოწმობს ყოფილი პრეზიდენტის მიმართ გამოთქმული მწვავე კომენტარები სოციალურ ქსელში.

მიუღებელი აღმოჩნდა უმცროსი ბუშის ცეკვა აშშ-ს პირველი ლედისთვისაც.თუმცა ინტერნეტმომხმარებლთა გარკვეულმა ნაწილმა ბუშის ცეკვა სახალისოდ მიიჩნია.

შეგახსენებთ, გასულ კვირას პოლიციელებმა მინესოტაში და ლუიზიანაში ორი აფროამერიკელი მოკლეს.ამ ფაქტს მოჰყვა საპროტესტო აქციები.ერთ-ერთი ასეთი აქცია ტრაგედიით დამთავრდა. 25 წლის ავღანეთის ომის შავკანიანმა ვეტერანმა, მიკ ჯონსონმა აიღო სნაიპერული შაშხანა და დალასში 5 პოლიციელი მოკლა, 9 კიდევ დაჭრა.

ორსაათიანი უშედეგო მოლაპარაკების შემდეგ პოლიციამ ჯონსონის ლიკვიდირება მოახდინა.