ყველამ კარგად იცის, რომ ნარკოტიკების მიღება ერთ-ერთი ყველაზე უგუნური საქციელია ცხოვრებაში. თუმცა, ცოტა თუ დაფიქრებულა იმაზე, რომ გარდა დამოკიდებულებისა, რომლისგანაც თავის დაღწევა ურთულეს პროცესს წარმოადგენს, ის რადიკალურად ცვლის ადამიანის გარეგნობას.

მსგავსი დამოკიდებულება უმოწყალოდ ანადგურებს ჯანმრთელობას და ფსიქიკას, ანგრევს ურთიერთობებს და ფინანსურად სავალალო მდგომარეობაში აყენებს ადამიანებს. სტატიაში გთავაზობთ სურათებს, საიდანაც დარწმუნდებით თუ რა მომაკვდინებელი გავლენა აქვს მეტამფიტამინებს ადამიანის ორგანიზმზე. პროექტის სურათები –"მეტამფეტამინის საშინელებანი, " მართალია, სანახავად შემაძრწუნებელია, მაგრამ ზუსტად იმ მიზნით ქვეყნდება, რომ აჩვენოს რად შეიძლება გადაიქცეს თქვენი ცხოვრება, თუ ცდუნებას აჰყვებით და ერთხელ მაინც გასინჯავთ მას.

ამერიკული საიტის Rehabs.com-ის თანახმად, ეს დაპატიმრებულთა ფოტოებია, რომელთაც ბრალად ედებოდათ ნარკოტიკების შენახვა, მოხმარება და გავრცელება მთელი ქვეყნის მასშტაბით.