გუშინ შვეიცარიაში გაიმართა რეფერენდუმი, სადაც შვეიცარიის მოსახლეობას უნდა გადაეწყვიტა, მიეღოთ თუ არა გარანტირებული ყოველთვიური შემოსავალი 2260 ევრო სახელმწიფოსგან.

ხმების წინასწარი დათვლით უკვე ნათელი ხდება, რომ შვეიცარიის მოსახლეობამ უარი თქვა გარანტირებულ შემოსავალზე.

რეფორმა ითვალისწინებდა ყოველ შვეიცარელ ზრდასრულ მოქალაქეზე გარანტირებულ ყოველთვიურ შემოსავალს 2260 ევროს ოდენობით, ხოლო ბავშვებზე 565 €-ს.

ინიციატორები ვარაუდობდნენ, რომ მიღებული თანხით მათი მოქალაქეები დაკავდებოდნენ იმ საქმიანობით, რაც ყველაზე ძალიან მოსწონთ და უნდათ.

რეფორმის გატარების შემთხვევაში შვეიცარია გახდებოდა მსოფლიოში პირველი სახელმწიფო, რომლის მოქალაქეებსაც მიუხედავდ იმისა, მუშაობენ თუ არა გარანტირებული შემოსავალი ექნებიდათ.

დანიელ ჰაინი, კაფეს მფლობელი, რომელიც რეფორმის ინციატორი იყო აღიარა დამარცხება, თუმცა განაცხადა, რომ მორალურად გამარჯვებულია, იუწყება Reuters-ი.

"თავიდან ვფიქრობდი, რომ მოსახლეობის მხოლოდ 15% დამიჭერდა მხარს, თუმცა შედეგად მივიღე 20%-იდან 25%-მდე, ესაა შესანიშნავი და სენსაციური"განაცხადა მან.

რეფორმის ჩავარდნის მიზეზი გახდა შვეიცარელი მოქალაქეების შიში იმაზე, რომ უმეტესობა აღარ იმუშავებს, ხოლო ამისთანა პოლიტიკა სახელმწიფოს მძიმე ტვირთად დააწვება და ეკონომიკა გახდება არამდგრადი.