ამის მიზეზი კი აშშ-სთან გამწვავებული სიტუაციაა, 24 ივნისს დონალდ ტრამპმა ხელი მოაწერა სანქციების ახალ პაკეტს რომელიც ირანელ მაღალჩინოსნებზე და "სხვა უამრავ რამეზე" ვრცელდება, მათ შორის ამას წინათ ირანელების მიერ ჩამოგდებულ უპილოტო მხვერავზეც.

აშშ-მ ირანის წინააღმდეგ პაკეტი 2018 წლის 5 ნოემბერს აამოქმედა. სანქციათა სია მას შემდეგ რამდენჯერმე გაფართოვდა. შეზღუდვები შეეხო ენერგეტიკას, გადაზიდვებს, გემთმშენებლობას და სხვა სექტორებს.

შეგახენებთ, ირანსა და აშშ-ს შორის ურთიერთობა მას შემდეგ გამწვავდა, როდესაც ირანმა ბირთვული შეთანხმების ორი ძირითადი პუნქტი დაარღვია .

გაირკვა, რომ ირანი ბირთვული იარაღის შექმნაზე მუშაობდა, მართალია ირანი უარყოფდა ამ ბრალდებას, თუმცა ისრაელის დაზვერვა ამტკიცებდა, რომ ამის დამადასტურებელი დოკუმენტები მოიპოვა.

„პროექტი ამადი“ -ასე ეწოდება ირანის ბირთვულ პროგრამას, თავად ირანმა ამ მტკიცებულებას „ბავშვური და სულელური წარმოდგენა"უწოდა.

ყოველ შემთხვევაში, როგორც აშშ-ს ადმინისტრაცია ამტკიცებს, ბირთვული შეთანხმებიდან გასვლის შემდეგ ირანის სამხედრო ბიუჯეტი 40%-ით გაზარდა.

თავის მხრივ ევროკავშირმა და მოწინავე ევროპულმა ქვეყნებმა(გფრ, დიდი ბრიტანეთი, საფრანგეთი)განაცხადეს, რომ მათთვის კვლავ ძალაშია ირანთან დადებული ხელშეკრულება ურანის ექსპორტის შესახებ, თუმცა ამასთანავე არ აპირებენ მიიღონ ულტიმატუმი ირანისგან.