ლესლი უაილდი(ნამდვილი სახელი პაულა ენ სიმონსი.დაბ.1968 წ. 23 აპრილს) ამერიკელი ტელეწამყვანი, მოდელი და კინომსახიობია, თუმცა საზოგადოების ყურადღება მაინც საკუთარი სხეულის კორექტირებით მიიქცია, როდესაც MTV-ზე მასზე მომზადდა დოკუმენტური ფილმი სერიიდან True Life.

როგორც ჩანს თოჯინა ბარბი ძალიან ზემოქმედებს ქალებზე და მათზე დიდ ზეგავლენა ახდენს.არც უაილდია გამონაკლისი.მან მიზნად დაისახა ბარბის დამსგავსებოდა, თუმცა 36 ოპერაციის შემდეგ რამდენად წააგავს დღეს-დღეობით ცნობილ თოჯინას, ამის განსჯა თქვენთვის მომინდვია.

უაილდი ამჟამად 6 შვილის დედაა.პირველად 16 წლის ასაკში გათხოვდა, ხოლო 21 წლის იყო ქმარს რომ გაეყარა, იმ დროისთვის ლესლის ორი შვილი ჰყავდა და ოფიციანტად მუშაობდა.

სწორედ მაშინ გადაწყვიტა ახალგაზრდა ქალმა თმები ქერად შეეღება და მკერდის გადიდების ოპერაცია პირველად გაეკეთებინა.

ასე დაიწყო წლების განმავლობაში ოპერაციების სერიები, დროთა განმავლობაში ლესლიმ არა მარტო მკერდის, არამედ უკანალის, თვალის ჭრილის, ტუჩების, ცხვირის და ნიკაპის ოპერაციები გაიკეთა.

მთლიანობაში უაილდმა 36 ოპერაცია გაიკეთა, აქედან 12 ოპერაცია მკერდს მიუძღვნა, რაშიც ქალმა 250 000 $ დახარჯა.

დღესდღეობით მისი მკერდი 18 კილოგრამს იწონის და ცდილობს იდეალური ფიგურა დიეტის მეშვეობით შეინარჩუნოს, მთელი დღის განმავლობაში ლესლი ერთი ვაშლით, ლიმონის წვენით და წყალით შემოიფარგლება.ამ მეთოდით მან უკვე რამდენიმე კილოგრამი დაიკლო, რაც მთავარია წონის დაკლება არ მოქმედებს მის სილოკონით გატენილ ძუძუებზე და უკანალზე.