მონღოლეთში არქეოლოგებმა 2800 მეტრის სიმაღლეზე აღმოაჩინეს ქალის მუმია "ადიდასის ფეხსაცმელში", რომლის ასაკი 1500 წელია.ქალის ნარჩენები თექაში იყო გახვეული.სამარხში აგრეთვე აღმოაჩინეს მსხვერპლად შეწირული ფაშატის ნარჩენები, უნაგირი და ლაგამი.

მუმიის გვერდით ელაგა საყოფაცხოვრებო ნივთებიც:თიხის ვაზა, ხის თასი, რკინის ჩაიდანი, თუნგი და საქვაბე.

ქალის სამარხს ამშვენებდა აგრეთვე ლამაზად მოქარგული სამგზავრო ხელჩანთა.

არქეოლოგობის განცხადებით ეს არის პირველი ხელუხლებელი თურქული(შენიშვნა:თურქულენოვანის ხალხების)სამარხი, რომელიც მონღოლეთში იქნა აღმოჩენილი და შესაძლოა მთლიანად ცენტრალურ აზიაში.

–ამ აღმოჩენამ დაგვანახა, რომ იმ ეპოქაში გამოცდილი ხელოსნები იყვნენ. თან თუ იმასაც გავითვალისწინებთ, რომ დამარხული ქალი მდაბიო წარმოშობის იყო, ეს ნათელს ხდის იმას, რომ ხელოსნობა იმ დროს კარგად იყო განვითარებული " -განაცხადა ქალაქ ხოვდის მუზეუმის თანამშრომელმა ბ.სუხბატაარმა.

რა თქმა უნდა ინეტერნეტმომხარებლებმა უმალ შეამჩნიეს 1500 წლის წინ გარდაცვლილი ქალის ფეხსაცმლის და ფირმა Adidas-ის მიერ დამზადებული სნოუბორდის ბოტების გასაოცარი მსგავსება.