ავიაკომპანია Flydubai -ის სამგზავრო ლაინერი Boeing 737-800 წუხელ გვიან ღამით ჩამოვარდა როსტოვის აეროპორტში.ყველა მგზავრი დაიღუპა.

დონის როსტოვის აეროპორტში დაშვებისას ადგილობრივი დროით ღამის 3:40 წუთზე მიწაზე დაენარცხა ავიაკომპანია Flydubai-ის "ბოინგი".მთლიანად დაიღუპა 55 მგზავრი და 7 ეკიპაჟის წევრი.მგზავრებს შორის 4 ბავშვი იყო.

ვიდეორეგისტრატორმა დააფიქსირა თვითმფრინავის კატასტროფის კადრები.ვიდეოში კარგად ჩანს, თუ როგორ მკვეთრად ეშვება ხომალდი, ეფარება ხეებს და შემდეგ ფეთქდება.

წინასწარი მონაცემებით 7 კაციანი ეკიპაჟი არაბი, რუსი და ესპანელი პილოტებისგან შედგებოდა.ხოლო რაც შეეხება მგზავრებს, დაღუპულთაგან 44 რუსეთის მოქალაქეა, 8 უკრაინის, ორი ინდოეთის და ერთი უზბეკეთის.