მაია მიმინოშვილის (ეროვნული გამოცდების ცენტრის ყოფილი დირექტორის) მოხსნამ დიდი აჟიოტაჟი გამოიწვია. ხალხი ამბობს, რომ განთავისუფლების მიზეზი მისი ვაჟის ქართული ოცნების აქციაზე დაფიქსირება იყო, თუმცა რეალურად განათლების მინისტრისა და მიმინოშვილის დაპირისპირების მიზეზი სხვა გახლდათ.

მოგეხსენებათ შაშკინმა განაცხადა, რომ სურპრიზი ჰქონდა მეთორმეტე კლასელებისთვის. აქ საუბარი იყო იმაზე, რომ სასკოლო საატესტატო გამოცდების წარმატებით ჩაბარების შემთხვევაში ისინი პირდაპირ მოხვდებოდნენ უმაღლეს სასწავლებლებში, შესაბამისად ეროვნული ცენტრის მიერ გეპეიში, თუ სასოფლოში გამოცდების ორგანიზება აღარ ხდებოდა საჭირო. ამ აზრს კატეგორიულად ეწინააღმდეგებოდა მიმინოშვილი. მისი პოზიცია აქედანვე გასაგები იყო, იგი ეროვნული ცენტრის დირექტორი გახლდათ და მისი ძირითადი ფუნქციები უკვე სკოლის ხელში გადადიოდა.