ცნობილი ტელეწამყვანი ინგა გრიგოლია რამდენიმე თვიანი პაუზის შემდეგ ტელეეკრანს დაუბრუნდა.

გრიგოლია ტელეკომპანია "პირველის" ეთერში ორშაბათიდან პარასკევის ჩათვლით, დღეში სამჯერ "დღის ამბებს" წაიყვანს.

"გადავწყვიტე, კიდევ ერთხელ უნდა დავიწყო, ისევ ნულიდან, ისევ თავიდან, რადგან მართლა მჯერა, რომ როცა გაჩუმებენ ხმა უნდა ამოიღო, როცა გხურავენ, მაინც უნდა გააგრძელო და არ უნდა გაჩერდე. გზა მართლა ყოველთვის არსებობს. მე ამ გზას უკვე მერვედ დავადექი. მას მერე, რაც რეაქცია პოლიტიკურ და ბიზნეს გარიგებებს შეეწირა, "-აღნიშნა გრიგოლიამ გადაცემის დაწყებისას.