6 იანვარს ჩრდილოეთ კორეამ წყალბადის ბომბი წარმატებით გამოსცადა.წინასწარი მონაცემებით აფეთქების სიმძლავრე 6 კილოტონა იყო.აშშ-ს გეოლოგიურმა სამსახურმა დააფიქსირა მიწისქვეშა ბიძგები 5, 1 მაგნიტუდით.

"ეს გამოცდა ნიშნავს ჩრდილოეთ კორეის ბირთვული ძალების ახალ ეტაპზე გადასვლას"-ნათქვამია მთავრობის ოფიციალურ განცხადებაში.

წყალბადის ბომბის გამოცდა ეს არის "მოვლენა, რომელმაც მსოფლიო შესძრა, შევა ჩვენი ერის ისტორიაში და მიგვაახლოებს ჩუჩხეს რევოლუციურ იდეებს"-ნათქვამია განცხადებაში.

ამ მოვლენასთან დაკავშირებით გაეროს უშიშროების საბჭო საგანგებო სხდომას მოიწვევს.

წყალბადის ბომბის გამოცდამ განსაკუთრებით იაპონია და სამხრეთ კორეა შეაშფოთა.სეულმა გაძლიერებული საბრძოლო მზადყოფნა გამოაცხადა.

შეგახსენებთ, რომ წყალბადის ბომბი ბევრად უფრო მძლავრია და ეფექტური ვიდრე ატომური ბომბი.

დეკემბერში ჩრდილოეთ კორეის ლიდერმა კიმ ჩენ ინმა განაცხადა, რომ ჩრდილოეთ კორეამ წყალბადის ბომბი შექმნა, თუმცა საერთაშორისო ძალები მის განცხადებას სკეპტიკურად შეხვდნენ.