ჰიპერრეალისტიკა, როგორც ცალკეული ჟანრი ხელოვნებაში, დროთა განმავლობაში ჩამოყალიბდა, სიტყვიდანვეა გამომდინარე, თუ რას უნდა აღნიშნავდეს- ჰიპერ, ზე, მაღალ რეალობას, ანუ რეალურობის პიკს. ამ ჟანრში მოღვაწე ხელოვნებს, განსაკუთრებით კი მხატვრებს, უზომოდ დიდი შრომის გაწევა უწევთ, რომ თავიანთი შემოქმედების ნიმუში "ფოტოგრაფიულ რეალობამდე" დაიყვანონ. დამეთანხმებით, ძალიან რთულია ფუნჯით შექმნა ფოტოგრაფიული სიზუსტის ნამუშევრები, რა გასაკვირია, რომ ეს ყველას არ გამოსდის, თუმცა, ხელოვნებას საზღვრები არ გააჩნია, ამიტომ არსებობენ ადამიანები, ვისთვისაც ეს ჟანრი "ზედგამოჭრილია". სწორედ ასეთი გახლავთ, ჩემი პოსტის გმირიც, ახალგაზრდა კამალკი ლორაენო, დააკვირდით მის ნამუშევრებს, და კიდევ ერთხელ ირწმუნეთ ხელოვნების უსაზღვროება.