ინგრედიენტები (35 ჯოხისთვის):

კარაქი (ოთახის ტემპერატურაზე დარბილებული) - 200 გრ.
შაქრის პუდრი - 100 გრ.
ცედრა - 1 ფორთოხლის
ფქვილი - 2 1/4 ჭიქა (315 გრ)
სიმინდის სახამებელი - 2 ს. კ. (20 გრ.)
მარილი - 1/8 ჩ. კ.
ფორთოხლის წვენი - 2 ს. კ. (30 მლ.)
ნიგოზი (მოხლილი და დაფქული) - 1 ჭიქა (100 გრ.)

მოსართავად:

მწარე შოკოლადის ფილა - 60 გრ.

მომზადება:

1. თასში ერთმანეთს შეურიეთ კარაქი, შაქრის პუდრი და ცედრა > კარგად ათქვიფეთ, ისე რომ ჰაეროვანი მასა მიიღოთ > დაამატეთ წვენი.

2. მეორე თასში ერთმანეთს შეურიეთ ახლად გაცრილი ფქვილი, სახამებელი, დაფქული ნიგოზი, მარილი.

3. მშრალი ინგრედიენტები დაუმატეთ ათქვეფილ მასას და ხელით მოზილეთ რბილი ცომი.

ცომი სწრაფად უნდა მოზილოთ, პროცესს დიდ დროს ნუ დაუთმობთ!!!!!!!!!
4. აიღეთ ერთი კოვზი ცომი და მიეცით 15 სმ. სიგრძის ძეხვის ფორმა.
5. საცხობ ფირფიტაზე დააფინეთ ცხიმწასმული საცხობი ქაღალდი და დაალაგეთ ჯოხები 2-3 სმ-ს დაშორებით.

6. გაახურეთ ღუმელი 170 გრადუსზე.

7. შედგით გამზადებული ფირფიტა გამოსაცხობად > აცხეთ 15-20 წთ., ვიდრე ოქროს ფერს არ მიიღებს.

8. გააციეთ ოთახის ტემპერატურაზე.
9. შოკოლადი გაადნეთ ორთქლის აბაზანაზე > ჩაასხით საკონდიტრო ტომარაში და ნამცხვარი გააფორმეთ.