დღეს სამომხმარებლო ბაზარზე ჭურჭლის სარეცხი საშუალებების უამრავი არჩევანია. ცხადია, ყოველი მათგანის მწარმოებელი ირწმუნება, რომ მხოლოდ მისი პროდუქტი იძლევა საუკეთესო შედეგს, რეცხავს უკეთ და მეტ ჭურჭელს და ა.შ. ეს ყოველივე, რა თქმა უნდა კიდევ უფრო ართულებს არჩევანის გაკეთებას. ამიტომ საყოფაცხოვრებო პროდუქტის ტესტირებაზე ორიენტირებულმა საიტმა - Product Test- ჩაატარა ლაბორატორიული ტესტირება ჩვენში ყველაზე გავრცელებული ჭურჭლის სარეცხი საშუალებების - AOS, Fairy, Frosch, Pril და Пемолюкс.

ტესტირება ჩატარდა სამ ძირითად კრიტერიუმზე: საკვების მიმხმარი ნარჩენების მოშორება, ცხიმის მოშორება, სარეცხი საშუალების ჩამორეცხვის უნარი. ხუთივე საშუალება ტესტირებულ იქნა როგორც ლაბორატორიულ ასევე რეალურ პირობებში.



მიმხმარი ნარჩენების მოშორების უნარის შესამოწმებლად თეფშები დასვარეს შესქელებული რძის, მაიონეზის, კეტჩუპისა კაკაოს ნაზავით, რომელიც 24 საათის განმავლობაში შრებოდა. გამხმარი ნაზავით დასვრილ თეფშებს რამდენიმე წამით აწყობდნენ ტესტირებული სარეცხი საშუალებით გაზავებულ წყალში. შემდეგ რეცხავდნენ სარეცხი ღრუბლით. ამ დროს ითვლიდნენ ღრუბლის რამდენჯერადი გასმა იქნებოდა საჭირო ჭუჭყის სრულად მოსაცილებლად. რაც უფრო სწრაფად შორდებოდა ჭუჭყი, მით ეფექტურად ითვლებოდა სარეცხი საშუალება.


ცხიმის მოშორების უნარზე ტესტირებისას თეფშებზე დაჰქონდათ საკვები პროდუქტებსგან მონარჩენი ცხიმი და ტესტირებული სარეცხი საშუალება. გარეცხვის შემდეგ თეფშებს აყრიდნენ ნახშირის პუდრს, რომელიც გაშრობის შემდეგ იმ ადგილებში, სადაც ცხიმი დარჩებოდა, ლაქებად რჩებოდა.


ქაფის ჩამორეცხვის უნარის ტესტირებისთვის სარეცხი საშუალება დაჰქონდათ თეფშზე, რომელსაც ათავსებდნენ წყლით სავსე სამ ჭურჭელში თანმიმდევრობით. მესამე ჭურჭელში, თეფშის ამოღების შემდეგ, ექსპერტი ზომავდა წყლის მჟავიანობას და ადარებდა მას სუფთა წყლის рН-ს. ამ მაჩვენებლებს შორის დიდი დაშორება მიუთითებდა იმაზე რომ ტესტირებული საშუალება ჭურჭელს ცუდად სცილდება.



ტესტირებამ შემდეგი შედეგები აჩვენა:

AOS ტესტირებულ სარეცხ საშუალებებს შორის საუკეთესო აღმოჩნდა - ცხიმის
მოშორების კრიტერიუმით მან თითქმის იგივე შედეგი აჩვენა, რაც Fairy-მ. მიმხმარ ნარჩენებს კი იგი სხვებზე უკეთ გაუმკლავდა და ყველაზე პოპულარულ Fairy-საც კი
აჯობა.


Fairy-მაც მშვენიერი შედეგი აჩვენა, მაგრამ ოდნავ ჩამორჩა AOS-ს. AOS-სა და Fairy-ს შორის დაპირისპირება უკვე დიდი ხანია არსებობს. 2004 წელს „საყოფაცხოვრებო ქიმიის სამეცნიერო-კვლევითმა ცენტრმაც“ ჩაატარა ჭურჭლის სარეცხი საშუალებების ტესტირება, რომლის შედეგად გაირკვა, რომ ცხიმის მოშორების, გარეცხილი ჭურჭლის
რაოდენობისა და ეკონომიურობის მხრივ AOS-ი ეფექტურია ვიდრე Fairy.


Frosch-ის მაჩვენებელი საშუალო გამოდგა. იგი კარგად უმკლავდება ცხიმს, მაგრამ მიმხმარ ჭუჭყს ძნელად აშორებს.


Pril და Пемолюкс - ეს ორი საშუალება ყველაზე არაეფექტური აღმოჩნდა. აქედან პირველმა საერთოდ ვერ მოაშორა მიმხმარი ჭუჭყი, ცხიმის მოშორების მხრივ კი ყველაზე ცუდი მაჩვენებელი აჩვენა. ოდნავ უკეთესად გაუმკლავდა მიმხმარ ჭუჭყსა და
ცხიმს Пемолюкс-ი მაგრამ საბოლოო ჯამში მისი შედეგებიც ცუდი აღმოჩნდა.