ყოველწლიურად ტელეარხი MTV აჯილდოებს მუსიკალური ინდუსტრიის საუკეთესო წარმომადგენლებს და ფავორიტი ვიდეოების შემქმნელებს. 2015 წლის მუსიკალური ფესტივალის ნომინანტები და ფესტივალის სტუმრები სხვადასხვა თვალშისაცემი ქცევებითა თუ ნახევრად შიშველი სამოსით ან კიდევ უცნაური და მე ვიტყოდი სენსაციური განცხადებებით გამოირჩეოდნენ.

მხედველობაშია ცნობილი რეპერის და კიმ კარდაშიანის მეუღლის ქანიე უესტის შოკისმომგვრელი განცხადება, რომელიც მომღერალმა საკუთარი გამოსვლის ბოლოს განუცხადა იქ დამსწრე საზოგადოებას და როგორც წყარო წერს, იმდენად სერიოზული იყო რეპერი თავის ბოლო სიტყვაში, მან უზარმაზარი ოვაცია და ტაში დაიმსახურა.რეპერი ვარსკვლავი საკუთარი " დიდი ოჯახით" ანუ კარდაშიანი - ჯენერების თანხლებით იმყოფებოდა ღონისძიებაზე.გამოსვლის ბოლოს 38 წლის რეპერმა ქანიე უესტმა ზუსტად 12 წუთი ისაუბრა სამომავლო სერიოზულ მისწრაფებებზე და მიკროფონი ზუსტად ამ სიტყვებით გააგდო მომღერალმა ხელიდან, როცა განაცხადა: - " თქვენ ალბათ გენიშნათ ან მიხვდით, რომ ამ დროისთვის გადავწყვიტე 2020 წლის საპრეზიდენტო არჩევნებში მივიღო მონაწილეობა".
მის განცხადებას დიდი გამოხმაურება მოჰყვა სოციალურ მედიაში, სადაც ემოციებს ვერ ფარავენ მუსიკალური სამყაროს და საერთოდ შოუბიზნესის სხვადასხვა სფეროს წარმომადგენლები.თუმცა თვითერზე და ინსტაგრამზე სახალისო ფოტოებსაც ბევრს ნახავთ:რაც შეეხება ცერემონიის სხვა აქტიურ სახეებს, ისინი თითქოსდა სიშიშვლით ეჯიბრებოდნენ ერთმანეთს, მაგრამ სკანდალური პოპ ვარსკვლავი მაილი საირუსი, რომელმაც ბოლო წელს უხერხული და ნახევრად შიშველი ჩაცმულობით გაითქვა სახელი, სრულიად შიშველი გამოცხადდა ღონისძიებაზე - წერს წყარო.