ჩემი დათო ნათლია

სოციალურ ქსელში ატეხილმა ხმაურმა ,,ექიმ ციბაძესთან“ დაკავშირებით, მთელი ოჯახი აგვაფორიაქა, ვნერვიუობდით, არ გვინდოდა ლაშას გაეგო, ძალიან ეტკინებოდა გული.მაინც გაიგონა ჩვენი საუბარი.,,ჩემი დათო ნათლია? ეგ ჩემი დათო არაა’’- თქვა და გავიდა.
მართალი თქვა, ჩვენი დათო ექიმი თბილი, ყურადღებიანი, თავდაუზოგავი, მოკრძალებული,ნიჭიერი, მშვიდი, იუმორით..უბრალოდ, კარგი ადამიანია.

დაბადებიდან მეხუთე დღეს ჩემი შვილი სამშობიაროდან იაშვილის კლინიკაში მოხვდა. სასწრაფო დახმარების მანქანას გადავყავდით,ხელში მეჭირა პატარა ურეაქციო, გატანჯული არსება. დიაგნოზი: მძიმე სამშობიარო ტრავმა, ქალას ძვლები შეცურებული,რეფლექსები დათრგუნული, სისხლჩაქცევები, მენინგიტი, ჰიდროცეფალია, სეფსისი...ორმხრივი პლევმონია, ორმხრივი პარეზი.. და რა ვიცი კიდევ..მიმძიმს დეტალებზე ლაპარაკი.
ოთხი თვე ,,ვცხოვრობდით’’ იაშვილის კლინიკაში. ერთი თვე რეანიმაციაში იყო, მერე დავითაიას განყოფილებაში. ახლა ლაშა 24 წლის,დიდი და კარგი კაცია. მე კი, ამდენი ხნის შემდეგ,მაშინ ჩვენ გადამრჩენ ექიმებს,ჩვენს ლია ექიმს,ია ექიმს, ჩვენს დათო ექიმს, დათო ციბაძეს კიდევ ერთხელ (და კიდევ მრავალგზის) ვუხდი მადლობას!!! მათთან ერთად სხვებსაც, არ ჩამოვთვლი. დღემდე, ვმეგობრობთ მათთან და რჩევას ვეკითხებით კრიტიკულ სიტუაციაში.
რეანიმაციაში ლაშა ჟანგბადის კარავში იწვა, მის მდგომარეობაზე ძალიან მძიმეაო გვეუბნებოდნენ, გადარჩენას არ გვპირდებოდნენ. მე და მამა რეანიმაციის კარს ვერ ვშორდებოდით. ყოველ წუთს ცუდ აბავს ველოდით. რა დამავიწყებს, ლაშამ პირველად რომ მოიხედა. დათო ექიმი იყო მორიგე იმ ღამით,მამას ბავშვი აჩვენა, ..პატარა იმედი გაჩნდა.
ჩვენმა მეგობარმა,კლინიკაში მამა ზურაბი მოიყვანა და 1 თვის ლაშა მონათლეს მანანამ და დათო ექიმმა. ნათლობის მადლით დაიწყო მოკეთება.
ექვსი თვისა სახლიდან ისევ საავადმყოფოში გადაიყვანეს, ახლა მეორეში. აქედან მოსკოვში გაგვწერეს-9თვის,სარისკო იყო გადაფრენა. პასუხისმგებლობა დათო ნათლიამ აიღო, როგორც ოჯახის ახლობელმა ექიმ

როდის მოხდება ასეთი სიტუაციების რეგულირება ჩვენს ქვეყანაში რა. როგორ შეიძლება ასეთი რამ გამოუძიებელი დარჩეს, ტუ ექიმი მართლა დამნაშავეა მაშინ მისი სამსახურში დატოვება ხო კიდევ უფრო დიდი დანაშაულია, ხოლო თუ პაციენტის მშობელი იტყუება მაშინ ცილისწამებისთვის უნდა დაისაჯოს სამაგალითოდ. ძალიან ცუდი სიტუაციაა ამ მხრივ, სამწუხაროდ მეც გამომიცდია საკუთარ თავზე ექიმების გულგრილობა. ამას ვამბობ მიუხედავად იმისა, რომ ოჯახში რამდენიმე ექიმი მყავს. მაგრამ ბევრი პაციენტიც ვიცი, რომლებიც უბრალოდ ცილს სწამებენ ექიმებს. რეგულირება უნდა ამ ყველაფერს.