ორი დღის წინ სოციალურ ქსელში გავრცელებულმა, თსუ-ს პროფესორის სტატუსმა განსაკუთრებით მძაფრი გამოხმაურება ჰპოვა მომხმარებლებში. როგორც გახსოვთ, თსუ-ს ლექტორი ქეთევან პავლიაშვილი ახალგაზრდების სოლიდარობას გამოეხმაურადა აღნიშნა, რომ ახალგაზრდებით აღტაცება თავის მოტყუება და სირაქლემას პოზაა, რადგან ყოველ სემესტრში უფრო დაჩლუნგებული თაობა მოდის.

ეს ქალბატონი, თსუ-ის ჰუმანიტარულ ფაკულტეტზე "ახალი ქართული ლიტერატურის" ლექტორია.

დღეს მას სტუდენტებმა პროტესტის ნიშნად დაახვედრეს ის, რაც ფოტოზეა ასახული: ცარიელი აუდიტორია და სკამებზე გაკეთებული წარწერები: „ნეხვი - გამოშტერებული სტუდენტი“.

სოციალურ ქსელში სტუდენტთა ამგვარ ქმედებას ბევრი სამართლიან პროტესტად აფასებს.