მთელი ზამთარი ზაფხულზე ვოცნებობთ... და აი, დგება სანატრელი ზაფხული და მასთან ერთად თავს იჩენს უამრავი გამაღიზიანებელი პრობლემა: ოფლიანობა, უსიამოვნო სუნი, მზეზე დამწვრობა... გთავაზობთ ყველაზე გამაღიზიანებელი "კოშმარების" ხუთეულს, რომელთა ბრძოლად ამ ზაფხულში ბევრს მოუწევს და, მათთან ბრძოლის ეფექტურ ხერხებს.
1. დახუთულობა
დახუთულობა - ეს არა მხოლოდ უსიამოვნო შეგრძნებაა, არამედ საკმაოდ საშიში მდგომარეობაც. ჰაერის უკმარისობა, გულისრევა და სისუსტე - ეს ყველაფერი გონების დაკარგვით შეიძლება დასრულდეს. თუ იმდენად დახუთულობას გრძნობთ, რომ გგონიათ, მეტს ვერ გაუძლებთ, სასწრაფოდ ზომების მიღებაა საჭირო.
როგორ ვებრძოლოთ: თუ ტრანსპორტში ხართ, უფრო სწორად, დგახართ, ნუ მოგერიდებათ, ითხოვეთ დახმარება და ადგილს დაგითმობენ. როცა დაჯდებით, მაშინვე დადეთ თავი მუხლებზე. ამგვარად ტვინს მეტი სისხლი მიეწოდება და, შესაბამისად, ჟანგბადიც.
2. ოფლიანობა
ანტიპერსპირანტების უმრავლესობა ზაფხულში უძლურია, განსაკუთრებით, ოფისში თუ მუშაობთ და დრესკოდის დაცვა გიწევთ.
როგორ ვებრძოლოთ: დაივიწყეთ მოტკეცილი ტანსაცმელი. შეცვალეთ იგი თავისუფალი ტანსაცმლით, რომელიც არ გეკრობათ ტანზე და "სუნთქავს". ანტიპერსპირანტები შეიძინეთ არა მაღაზიაში, არამედ აფთიაქში, თან ისეთები, რომლებზეც აღნიშნულია "გრძელვადიანი მოქმედების".
3. "გადაყვლეფილი" ფეხები
ახალი სანდლები და ფეხსაცმელები ზაფხულში ნამდვილ კოშმარად იქცევა ხოლმე.
როგორ ვებრძოლოთ: ამაში კარტოფილი დაგეხმარებათ. ტეფებზე წაისვით კარტოფილის წვენი. კრახმალი კანს გააშრობს და ტერფი ფეხსაცმელში აღარ ისრიალებს.
4. მზეზე დამწვრობა
მზეზე დაწვა მხოლოდ კურორტზე წასულ და პლაჟზე გასარუჯად წამოწოლილ ადამიანებს არ ემუქრებათ. მზე ყველაგან "თან გვდევს" და მზად უნდა ვიყოთ მასთან "შესახვედრად".
როგორ ვებრძოლოთ: მზეზე დამწვარი კანის მოსარჩენად აავსეთ აბაზანა გრილი წყლით, ჩაასხით მასში ორიოდე ჭიქა ძმარი და ჩაწექით 15 წუთით. ამის შემდეგ ჩამოიბანეთ და დაზიანებულ ადგილებზე "პანთენოლი" წაისვით.
5. კანის გაღიზიანება
ზაფხულის დადგომასთან ერთად გოგოების ქვედაბოლოები თანდათან მოკლდება. ეს კი იმას ნიშნავს, რომ უფრო ხშირად ხდება საჭირო ფეხების (და არა მხოლოდ ფეხების) გაპარსვა. ამიტომ კანიც მეტად ღიზიანდება.
როგორ ვებრძოლოთ: ხშირად ცვალეთ საპარსები და გამოიყენეთ დამარბილებელი საშუალებები. კარგია, თუ კანს დაიზელთ ოხრახუშის ნახარშით. თუ ამანაც არ გიშველათ, გამოიყენეთ ჰიდროკორტიზონის მალამო, ოღონდ ხშირად არა!
