მსახიობი კოტე თოლორდავა დღეს საბურთალოს სასაფლაოზე დაკრძალეს. ცერემონიას მისი ოჯახის წევრები, მეგობრები და კოლეგები ესწრებოდნენ. მანამდე კოტე თოლორდავას სამოქალაქო პანაშვიდი ქაშუაეთის ეკლესიის ტაძარში გაიმართა.

ტაძრიდან გამოსვენების შემდეგ მსახიობი, კოტე თოლორდავა თეატრალურ უნივერსიტეტში დაასვენეს, საიდანაც მისმა მეგობრებმა და კოლეგებმა ის ტაშით გააცილეს.

სამგლოვიარო ცერემონია რუსთაველის გამზირიდან საბურთალოს სასაფლაომდე მიმდინარეობდა. რუსთაველის გამზირზე მსახიობს პატივი მიაგეს რიგთმა მოქალაქეებმა.

თოლორდავა 11 აპრილს გარდაიცვალა. მსახიობი მოსკოვში სასტუმროში ნახეს გარდაცვლილი. წინასწარი ინფორმაციით, კოტე თოლორდავას გარდაცვალების მიზეზი გულის შეტევა გახდა. კოტე თოლორდავა მოსკოვში ფილმის გადაღებაზე იყო მიწვეული.