ცნობილმა ბრიტანულმა გამოცემა The Daily Mail-მა გამოაქვეყნა იმ 10 ქვეყნის სია, სადაც მოგზაურობაზე უმჯობესია ქალებმა თავი შეიკავონ.

რეიტინგს როგორც მოსალოდნელი იყო ლიდერობს ინდოეთი, ნაციონალური დანაშაულის ბიუროს მონაცემებით ამ ქვეყანაში ყოველ 20 წუთში თითო გაუპატიურებას აქვს ადგილი.როგორც ჩანს, ამ ქვეყანას კანონის გამკაცრებამაც არ უშველა.

მეორე და მესამე პოზიციას ინაწილებენ ბრაზილია და თურქეთი, სწორედ ამ ქვეყნებში ფიქსირდება ყველაზე ხშირად ქალების მიმართ ძალადობა, შეურაცხყოფა თუ დამცირება.

ამასთანავე ტურისტი ქალების მიმართ ძალადობით გამოირჩევიან ტაილანდი, ეგვიპტე, კოლუმბია, სამხრეთ აფრიკის რესპუბლიკა, მაროკო, მექსიკა და კენია.

რეიტინგის შედგენისას გამოყენებული იყო მოგზაურთა გამოკითხვის, აგრეთვე სახელმწიფო ორგანიზაციების მონაცემები და მარკეტინგული ორგანიზაცია YouGov-ის გამოთვლების შედეგები.