26 წლის ალექსის ვაიდერჰოლტი(Alexis Wiederholt, 26, ) საოჯახო საქმეებით იყო დაკავებული მამის სახლში, (ელმო, შტატი მისური)როდესაც საძინებელი ოთახიდან უცნაური ხმაური შემოესმა, ხოლო ცოტა ხანში თავის 5 წლის შვილისგან საშინელი სიტყვები გაიგონა:"დედა, მე კორბინს ვესროლე..ძალიან ვწუხვარ".

ოთხი შვილის დედა დაფეთებული ეცა მანეჟს, სადაც 9 თვის კორბინი იწვა.ჩვილი სასიკვდილოდ დაჭრილი იყო.

"შევედი და ვნახე ჩემი შვილი სისხლისგან იცლებოდა, -განუცხადა NBC News-ს ალექისმა, -სულ რაღაც 5 წუთის წინ იგი ხელში მეჭირა და ვეფერებოდი."

ვაიდერჰოლტი დაკოტაში ცხოვრობს, მაგრამ სტუმრად იყო მისული მამამისთან, ბილი პორტერთან ელმოში, რომელის სახლში 22 კალიბრიან რევოლვერს ინახავდა.სწორედ ეს იარაღი გახდა ტრაგედიის მიზეზი.

როგორც პოლიციის შერიფმა დარენ უაიტმა Daily News-ს განუცხადა, მისურის ოლქის მაცხოვრებელები საერთოდ ყოველთვის ამაყობენ და ტრაბახობენ იმით, რომ სახლში იარაღი აქვთ.ეს ფაქტი კიდევ ერთი დასტურია იმისა, თუ როგორი აუცილებელია იარაღის უსაფრთხოდ შენახვა -მოხმარება.

თვითონ ბილი პორტერმა განაცხადა, რომ იარაღებს საწოლ ოთახში ინახავდა, საწოლის უკან თაროზე.

" ვუთხარი ბავშვებს, რომ ისინი არ უნდა შევიდნენ ჩემს საწოლ ოთახში...ვეუბნებოდი, რომ იარაღს ვინახავდი, მათ იცოდნენ ამის შესახებ.."

"თვითონ იარაღი სახიფათო არაა..თავისით ისინი ვერაფერს გააკეთებენ"-განაცხადა დარენ უაიტმა-"ეს იმ ადამაინების ბრალია, რომლებიც იარაღს უყურადღებოდ ტოვებენ, პატარა ბავშვებს ყოველთვის აინტერესებთ და მოხიბლულები არიან ნებისმიერი საგნით".

თვითონ ალექსისი ბავშვობიდან ფერმაში გაიზარდა, სადაც მისთვის სროლა და ნადირობა უცხო არ იყო..მით უმეტეს იგი შოკირებულია მამის დაუდევრობის გამო, რომელმაც ასეთ საშინელ ტრაგედიამდე მიიყვანა.

5 წლის ბიჭუნა ახლაც ბოლომდე ვერ ხვდება რა ჩაიდინა, განუცხადა NBC-ს ალექსისმა.