ჯგუფ "A'Studio"-ს სოლისტი, ქეთა თოფურია ორსულადაა და ბავშვს 2015 წლის გაზაფხულის ბოლოს ელოდება. დედისთვის ეს პირველი შვილი იქნება, მამისთვის კი - მეორე. ქეთას მეუღლეს, ბანკირ ლევ გეიხმანს პირველი ქორწინებიდან ქალიშვილი, სონია ჰყავს, რომელთანაც დედინაცვალს საკმაოდ კარგი ურთიერთობა აქვს.

"საერთოდ სამი შვილი მინდა, მაგრამ ჯერ ერთის უნდა გაჩნდეს. მთელი ცხოვრება გოგონას ყოლაზე ვოცნებობდი, მაგრამ მეუღლე იმდენს მელაპარაკება ბიჭზე, რომ მივხვდი, ახლა უკვე მეც ბიჭი მინდა. თან ასე მგონია, ბიჭის აღზრდა უფრო გამიადვილდება, ვიდრე გოგოსი, მეც ხომ ბიჭური ხასიათი მაქვს, ცოტა მძიმე." - აცხადებს მომღერალი.