ქუთაისში, რუსთაველის გამზირზე სუპერმარკეტ "ფუდმარტის" შენობასთან, ფეხით მოსიარულე ქალს ავტომანქანა დაეჯახა.

ადგილზე საპატრულო პოლიცია და სასწრაფო დახმარება იმყოფება.

ქალბატონი მსუბუქად არის დაშავებული, რომელიც საავადმყოფოში გადაიყვანეს.

როგორც შინაგან საქმეთა სამინისტროს საზოგადოებასთან ურთიერთობის სამსახურის წარმომადგენელმა, ტატო კუჭავამ განაცხადა, მომხდარ შემთხვევაზე დაწყებულია გამოძიება 276 მუხლის 1 ნაწილით.