მსოფლიო მასშტაბით ყოველ 40 წამში ხდება თვითმკვლელობა, ასეთი დასკვნა გამოიტანა ჯანდაცვის მსოფლიო ორგანიზაციამ(ჯმო)

მკვლევარები თვითმკვლელობას სერიოზულ პრობლემად მიიჩნევენ, ნაწილობრივ ჯანდაცვა ამ ფაქტის გამო სდუმს.

ჯმო-ს სურს 2020 წლისთვის თვითმკვლელობების რაოდენობა 10%-ით შეამციროს.ორგანიზაციის მონაცემებით, მხოლოდ 28 ქვეყანამ დაისახა მიზნად და შეიმუშავა თვითმკვლელობის შემცირების სტრატეგიული გეგმა.

ჯმო-ს სპეციალისტებმა შეისწავლეს ბოლო 10 წლის თვითმკვლელობის მონაცემები:

*ყოველწლიურად 800 000 ადამიანი ამთავრებს სიცოცხლეს სუიციდით.

*თვითმკვლელობა მეორე ადგილზე დგას სიკვდილის მიზეზით 15-იდან 29 წლამდე ახალგაზრდებში.

*უფრო ხშირად თავს იკლავენ 70 წელს გადაცილებული ადამიანები.

*თვითმკვლელის 75% მცირე და საშუალო შემოსავლიან ქვეყნებიდან მოდის.

* მდიდარ ქვეყნებში მამაკაცები 3-ჯერ უფრო ხშირად ახორციელებენ სიუციდს, ვიდრე ქალები.

ქალაქ სან-ფრანცისკოს ხელისუფლებამ თვითმკვლელობის აცილების მიზნით ხიდზე ნდობის ტელეფონი დადგა.

კვლევების შედეგად დადგინდა, რომ სადაც უფრო შეზღუდულია წვდომა ცეცხლსასროლ იარაღთან ან ტოქსიკურ ქიმიურ ნივთიერებებთან, მით უფრო მცირეა თვითმკვლელობის შემთხვევები.

ჯმო-ს გენერალურმა დირექტორი მარგარეტ ჩანი:"ეს კვლევები უნდა გახდეს სიგნალი, იმისთვის, რომ ვიმოქმედოთ, გადავწყვიტოთ პრობლემა, რომელსაც დიდი ხნის განმავლობაში ტაბუ ედო".

ჯმო-მ აგრეთვე გააკრიტიკა მასობრივი საინფორმაციო საშუალებები თვითმკვლელობებზე გადმოცემული სიუჟეტების გამო.მაგალითად მოჰყავთ მსახიობ რობინ უილიამსის თვითმკვლელობის გაშუქების მეთოდები.

ჯმო-ს ფსიქოლოგიური ჯანდაცვის საკითხების თანამშრომელმა ალექსანდრა ფლაიშმანმა განაცხადა:"არა აქვს მნიშვნელობა რამდენად ეფექტურად მუშაობს ამა თუ იმ ქვეყანაში თვითმკვლელობის წინააღმდეგ შემუშავებული პროგრამა, ყოველთვის არის შესაძლებლობა მიიღოთ ეფექტური ზომები, თუნდაც ეს არ იყოს მსხვილი მასშტაბით."