ეს შემზარავი ფაქტი გასული წლის ოქტომბერში სამხრეთ მექსიკაში მოხდა, როდესაც 29 წლის ირმა ლოპეზს მშობიარობა ქალაქის ყველაზე პრესყიჟული საავადმყოფოს ეზოში დაეწყო და იმის გამო, რომ სამშობიაროში ადგილი არ იყო, ქალმა ეზოში იმშობიარა და იქ გააჩინა ჩვილი, რომელსაც ჭიპლარი შემოხვეული ჰქონდა და დიდი ხნის მანძილზე ბავშვმა ვერ ამოისუნთქა.

ექიმების უგულობას და უპასუხისმგებლობას მილიონობით ადამიანის აღშფოთება მოჰყვა, როდესაც სოციალურ ქსელებში მომხდარის ამსახველი ფოტოები გავრცელდა.
მომხდარი ინციდენტი, რაც საავადმყოფოს მისაღებში მოხდა, ვიდეოზე იყო ასახული და იუთუბზე გავრცელდა. სადაც ჩანს, თუ როგორ არ დაეხმარა მშობიარე და მომკივან ქალს მედდა. საავადმყოფოს დირექტორი სამსახურიდან გათავისუფლდა.
თუმცა დირექტორის და მედპერსონალის სამსახურიდან დათხოვნა საკმარისი არ აღმოჩნდა იმისათვის, რომ საზოგადოების გულისწყრომა დამცხრალიყო.როგორც წყარო წერს, მექსიკის ჯანდაცვის მინისტრი AdrianCruz

საკუთარ განცხადებაში აღნიშნავს, რომ ყველა მკაცრად იქნება დასჯილი ამ არაადამიანური მოპყრობის გამო და მანვე დასძინა, რომ ქალთა უფლებები ნაკლებად დაცულია და გარდა იმისა, რომ მათ არ შეუძლიათ სათანადო სამედიცინო მომსახურების შეთავაზება საზოგადოებისთვის, ისინი მზად არიან არაადამიანურად მოექცნენ პაციენტებს - ანუ უპასუხისმგებლო თანამშრომლები შორს არიან სიკეთისა და დიდსულოვნებისგან.

რაც შეეხება ირმა ლოპეზს და მის პატარას, რომელიც მექსიკის სამშობიარო სახლის ეზოში დაიბადა, დღეს თავს მშვენივრად გრძნობენ.