ბრიტანეთის პრინცი ჩარლზი თავის ცოლთან კამილა პარკერ-ბოულზთან განქორწინებას აპირებს. განქორწინების მიზეზად ინგლისური პრესა კამილასა და დედოფალ ელისაბედს შორის კონფლიქტს ასახელებს.

მთელი საზღვერგარეთული პრესა აჭრელებულია სენსაციური ახალი ამბით, რომ პრინცი ჩარლზი კამილათან გაყრას აპირებს. პირველად ეს სიახლე სააგენტო Globe-მა ამცნო ფართო საზოგადოებას. მან სააშკარაოზე გამოიტანა ის ფაქტი, რომ განქორწინების მიზეზი კამილასა და დედოფალს შორის დაპირისპირებაა.

არასასიამოვნო საუბრის დროს, რომელიც პრინცესას და დედოფალს შორის ამ ორიოდე დღის წინ გაიმართა, კამილამ თავს ნება მისცა რამოდენიმე უხეში კომენტარი გაეკეთებინა დედოფლის მისამართით. მიუხედავად იმისა, რომ კონფლიქტის ზუსტი მიზეზები უცნობია, ჟურნალისტები ვარაუდობენ, რომ კამილა უკმაყოფილოა იმით, რომ მისი ქმარი, 65 წლის პრინცი ჩარლზი, ვერა და ვერ გახდა მეფე. გარდა ამისა, ქვეყანაში ხალხს ახალგაზრდა პრინცი უილიამი და მისი მეუღლე კეიტი გაცილებით უფრო უყვარს, ვიდრე კამილა და ჩარლზი.

მაგრამ ამ წაყენებულ ულტიმატუმებზე დედოფალს თავისი პასუხი აქვს. როგორც ირკვევა, კამილა პარკერი უარს არ ამბობს ხოლმე სასმელზე, რაც საშინლად არ მოსწონს დედოფალს. ასე თუ ისე, უკანასკნელი საუბრის შემდეგ დედოფალი საშინლად იყო განრისხებული და სასწრაფოდ მოსთხოვა პრინც ჩარლზს კამილასთან გაყრა.

შეგახსენებთ, რომ კამილა პარკერ- ბოულზი პრინც ჩარლზის მეუღლე გახდა 2005 წელს. ქორწილამდე წყვილს 30- წლიანი სასიყვარულო ურთიერთობა ჰქონდა. მათ მხურვალე რომანს ხელი არც პრინცესა დიანაზე დაქორწინებამ შეუშალა. ჩარლზისა და კამილას სიყვარული დიდხანს იყო ბრიტანელების განსჯის საგანი, თუმცა ბოლოს და ბოლოს, საზოგადოება შეეგუა მათი სიყვარულის დაგვირგვინებას, მაგრამ დიანას შემდეგ კამილას შეყვარება ხალხმა ვერ შეძლო.