ნამდვილი სიყვარული არსებობს და ის მარადიულია-სწორედ ამ დასკვნის გამოტანა შეიძლება ისტორიიიდან, რომელიც ავსტრალიელ ტურია პიტს შეემთხვა.

აი ასეთი ლამაზმანი იყო ავსტრალიელი მოდელი ტურია პიტი მანამდე, სანამ საშინელი ხანძარი მის ცხოვრებას კარდინალურად შეცვლიდა.

აი როგორი გახდა ის ორი წლის წინ მომხდარი ტყის ხანძრის და მთელი რიგი პლასტიკური ოპერაციების შემდეგ.

მიუხედავად გადატანილი ტრაგედიისა, გოგონა არ ნებდება და აგრძელებს სიცოცხლეს. ოდესღაც მან მოიგო სილამაზის კონკურსი "მის ავსტრალია", ახლა კი სარეაბილიტაციო კურსს გადის, მაგრამ მისი სახე, მიუხედავად უამრავი პლასტიკური ოპერაციისა, მაინც საშინელი დასანახია.

ტრაგედიამდე ტურია დაკავებული იყო მარათონული სირბილით და დღესაც აგრძელებს თავის საყვარელ საქმიანობას. გარეგნობის ცვლილების გამო მას არ უთქვამს უარი სპორტზე და არ გარიყულა საზოგადოებისაგან.

ყველაზე საინტერესო ისაა, რომ ტურია თავს ბედნიერად და იღბლიანად თვლის და აი რატომ : მისი ბოიფრენდი ტურიასთან დარჩა და ერთი წამითაც არ მიუტოვებია საყვარელი გოგონა. ის ამბობს, რომ უყვარს ტურია და სიცოცხლის ბოლომდე მის გვერდით იქნება. საყვარელი ადამიანის მხარდაჭერა ტურიას ეხმარება ისწავლოს ახლებურად ცხოვრება.

2014 წლის ივნისში ტურია პიტი ჟურნალ Women's Weekly-ის გარეკანზეც კი მოხვდა.