მენდი კლეისონს სალათისათვის მწყერის კვერცხები ჭირდებოდა. ის მოიქცა ისე, როგორც მოიქცეოდა ნებისმიერი დიასახლისი-წავიდა სუპერმარკეტში და ერთი შეკვრა მწყერის კვერცხი იყიდა. აქ თითქოს უჩვეულო არაფერია, მაგრამ რაც შემდეგ მოხდა, ნამდვილად გასაკვირი რამ იყო.

მენდიმ სულ 12 ცალი კვერცხი იყიდა. აქედან რვა მან სალათისათვის გამოიყენა, ხოლო დანარჩენი ოთხი რახან არ ჭირდებოდა, ქალმა გადაწყვიტა პატარა ექსპერიმენტი მოეწყო:დარჩენილი კვერცხები ინკუბატორში ჩადო, თუმცა მათგან რომ მწყერი გამოიჩეკებოდა, ამის დიდი მოლოდინი ნამდვილად არ ჰქონია.

მაგრამ ნამდვილი საოცრება მოხდა: ინკუბატორში ჩადებული ოთხი კვერცხიდან ერთი გამოიჩეკა.

მენდიმ მწყერის ბარტყს როუზი დაარქვა. მას რომ ეულად არ ეგრძნო თავი, ქალმა კიდევ ოთხი მწყერი იყიდა. ახლა მას მწყერების პატარა გუნდი ჰყავს და მათ დიდი მზრუნველობით უვლის და უფრთხილდება.

"წარმოიდგინეთ, რამდენად ახალი და საღი იყო კვერცხი, რომ მისგან მწყერი გამოიჩეკა, "- ამბობს აღფრთოვანებული მენდი.