ა.შ.შ-ში ცოტა ხნის წინ ჩატარებული გამოკვლევების შედეგად მოსახლეობის უმეტესობა მხარს უჭერს ვაშინგტონის პოზიციას უკრაინასთან მიმართებაში, თუმცა მხოლოდ 40%-მა იცის სად იმყოფება უკრაინა.

თუმცა სულ სხვა რეალობაა რა თქმა უნდა რუსეთში, იქ თითქმის აბსოლუტურმა უმრავლესობამ იცის უკრაინის მდებარეობა, მაგრამ ადვილად იპოვიან რუკაზე იმ ადგილს, რომელსაც რუსეთი უკვე თავისად თვლის?

BBC-ის კორესპონდენტმა იულია ოჩეტოვამ გადაწყვიტა პატარა ექსპერიმენტი-გამოკითხვა ჩაეტარებინა, გააკეთა ატლასის შავ-თეთრი ასლი, გავიდა ქუჩაში და მოსკოველებს მიმართა კითხვით:სად მდებარეობს ყირიმი?

პასუხებმა ყოველგვარ მოლოდინს გადააჭარბა, გამოკითხული მოსკოველების 10-იდან 9 მიესალამება ყირიმის შემორთებას, თუმცა უმეტესობა ვერ პოულობს რუკაზე ყირიმის ნახევარკუნძულს, მეტიც ზოგიერთმა ყირიმი ყაზახეთის და ტიბეტის საზღვრებთან მონიშნა.